JISAYA 51:8 - Tanou Moonsoi Timugon

⁸ Mapuso ilo am matatak, koson ra konoon inakan ru kilau am konoon bulu kambing inakan ru anai. Kaa' pamayagan ra pinataak Kuno mantilayun ra sabuoi-buoi no, namanangan Kuno saboi ra papag am papag.”

JISAYA 51:8 ပူးပေါင်းရင်းမြစ်များ

AYUP 13:28

Ginio ra, nasauk aku ra matapu koson ra tataun naapu', koson ra bayang ondo' inakan ru lipos.

AYUP 4:19

Nangkara' kou kia ra mangintopot Io ondo' maminawo intor ra tana', ondo' maminawo intor ra kaau ondo' maumok koson ra sakuliambang?

JISAYA 14:11

Galing i urumaton kou ra miujik jitor, kaa' ragino soroi kou ra tana' ru ulun minatoi. Ulor masauk ra intok pambalangan muno am lingguang masauk ra bajang muno!’

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 50:9

Sotopot no, Tuhan Ondo' Masawat Kaga' manungka' raki', osoi makakau' mindagu ra aku makasala? Ngaangai' ulun ondo' manguu' raki' no mapuso koson ra konoon narilak kinokot ru kilau.

JISAYA 51:6

Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

JISAYA 54:9

“Koson ra bulintok ri Nuu Aku nambantu' tana' ti kolondo' boo rosob, koon niayuk ragino ti Aku mambantu' ra kalo boo sumangit Aku am mangilalaa' ramuyun.

JISAYA 66:24

Bulintok ra ilo muli', makito nilo baangkai-baangkai ru ulun ondo' giminuor Raki'. Ulor mangakan ra baangkai nilono kalo matoi, am apui monolob risilo no kalo malasa'. Pagilayan raginio makalalaa' kaga' ra ngaangai' ulun.”

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

GOSIA 5:12

Ginio ra tutukon Ku Israil, am pusoon bansa' ru Jiuda.

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.