JISAYA 51:6 - Tanou Moonsoi Timugon

⁶ Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

JISAYA 51:6 ပူးပေါင်းရင်းမြစ်များ

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 111:3

Nansalinut binaal ru Tuhan no matulai am noompor; mantilayun kinoonsoi Nano.

JISAYA 13:13

Limbowon pasaukon Ku monontol, am tana' ti mauyog intor ra intok nano paat ra orou raginio, Bulintok ra Aku, Tuhan Ondo' Maayo Kaga' Kuasa' mapatalang ra sangit Kuno.

JISAYA 33:6

am manaak ra kaansayan ra ulun Nano. Magail Io manindung ra ulun Nano, am niayuk manaak risilo ra kapintaran am kapandayan. Rapu' nilo ra mokologo ioginio urumat am malaa' ra Tuhan.

JISAYA 34:4

Mato ru orou, bulan, am butitin matutuk. Limbowon mapuso, ilain koson ra rinulun koson naskhah rinulun. Butitin-butitin maratu' koson ra raun matutu' intor ra puun ru anggur kapoam puun ru nunuk.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 50:9

Sotopot no, Tuhan Ondo' Masawat Kaga' manungka' raki', osoi makakau' mindagu ra aku makasala? Ngaangai' ulun ondo' manguu' raki' no mapuso koson ra konoon narilak kinokot ru kilau.

JISAYA 51:8

Mapuso ilo am matatak, koson ra konoon inakan ru kilau am konoon bulu kambing inakan ru anai. Kaa' pamayagan ra pinataak Kuno mantilayun ra sabuoi-buoi no, namanangan Kuno saboi ra papag am papag.”

JISAYA 54:10

Kabalu' pana gunung-gunung am bulur-bulur mauyog, kalo langgain Ku monogom rirun. Nabantuan pababansayan Kuno masalok Ku guuton,” kon ru Tuhan ondo' monogom rirun.

JISAYA 54:9

“Koson ra bulintok ri Nuu Aku nambantu' tana' ti kolondo' boo rosob, koon niayuk ragino ti Aku mambantu' ra kalo boo sumangit Aku am mangilalaa' ramuyun.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

MATIUS 24:35

Limbowon am tana' ti mapuso, kaa' ragu Kutu mantilayun.”

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.