JISAYA 51:5 - Tanou Moonsoi Timugon

⁵ Pamayagan ondo' pataakon Kuno mamaar noyo, bulintok ra Aku mamanang mamaar noyo rumatong. Aku galama' mamarinta ra bansa'-bansa'. Pagun-pagun ondo' maalur magiginaa Raki' am malansan ra baalon Kuno ondo' makaimuag.

JISAYA 51:5 ပူးပေါင်းရင်းမြစ်များ

MAZMUR 110:6

Ukumin No bansa'-bansa', saboi pangayawan raginio masuang mamagatoi; kalaan No raja'-raja' ra titikop ru tana' ti.

MAZMUR 67:4

Gama' ru bansa'-bansa' mongompor Rirun, iou Aki Kapuuno'; gama' ru ngaangai' bansa' mongompor Rirun!

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

MAZMUR 96:13

bulintok ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MAZMUR 98:9

sabap ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 24:15

am ulun tampilon ra sirangon mongompor Riso. Namagun ra libung ru nagas mongompor ra Tuhan, i Aki Kapuuno' ru Israil.

JISAYA 26:4

Pangintopot noyo ra Tuhan ra sabuoi-sabuoi no; masalok Io mangampin ritakau.

JISAYA 33:2

Iou Tuhan, pakaasi' no ramon. Lumansan akai Rirun. Ampini' akai no moonong orou, am bayago' akai no bulintok ra akai makakapaganan.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 40:10

Tuhan Raja' matong koson mamarinta am makakuasa', Ibiton No ulun ondo' binayag Nano.

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 49:1

Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 56:1

Mindagu Tuhan ra ulun Nano, “Baalo' min atan ondo' matimpok am maaya' ra ukuman Kuno. Sabap ra sangkinolor poyo matong Aku mamayag ramuyun am katimpakan Kuno pabalaan.

JISAYA 59:16

Mangimuag Io sabap ra kolondo' ulun rumatong am kolondo' ulun manungka'. Ginio ra mamakai Io ra kuasa' Nano galama' koson mamayag am mapamanang risilo.

JISAYA 60:9

Ginio noyo kapal-kapal ondo' magibit muli' ulun ri Aki Kapuuno' intor ra pagun-pagun maalur. Pirok am mas inibit nilo koson mapatulai ra inggalan ru Tuhan, i Aki Kapuuno' min, i Aki Kapuuno' ru Israil, i Aki Kapuuno' ondo' matulai ondo' nangkinibit ra bansa'-bansa' mangurumat ra ulun Nano.

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

JISAYA 63:5

Mangimuag Aku sabap kolondo' sangulun pana paat Aku maguyum ra ulun mangindangan Raki'. Kaa' sangit Kuno ra mapaangan mapasauk ra Aku maikang, am Aku namanang ra kaikangan Kuno galama'.

JOIL 3:12

Indagu poyo Tuhan, “Bansa'-bansa' musiti' tumampos am mongoi ra Limayak Pangakiman. Giu' no Aku, Tuhan manturung am mangakim, ra ngaangai' bansa' ra mamaar.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

ROMA 2:16

Ginio ra, maya' ra Tanou Moonsoi ondo' posoboyon kuno, gitio noyo sauk nano ra Orou Pupus no; ralalom inggalan ri Jisus Kristus mangakim i Aki Kapuuno' ra ngaangai' ondo' nasibuni ra guang ru ulun.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

SAGULION 30:14

Pai' pangkuot koson raginio sabap susuban no soroi ramuyun. Nakapandai kau noyo am makaindagu raginio; mambaal kau ayuk raginio.

1 SAMUIL 2:10

Pantula'-pantula' ru Tuhan mapuso; maningkalur Io intor ra limbowon koson gumula' risilo. Mangakim Tuhan no ra titikop ru tana' ti; Manaak Io ra kuasa' ra raja', am manaak ra kamanangan ra raja' pilion Nano.”