JISAYA 51:4 - Tanou Moonsoi Timugon

⁴ “Rongogo' noyo bolos Kuno, akau bansa' Kuno, Rongogo' noyo ragu-ragu Kuno, akau ulun Kuno. Mangila' Aku ra bansa'-bansa', ngaangai' ukum Kuno manaak risilo ra sinda.

JISAYA 51:4 ပူးပေါင်းရင်းမြစ်များ

MAZMUR 106:5

Gama' ru makakito aku ra ulun Muno lumangkaya' saguli', am gama' ru maansukan aku mababaya' ra ulun Muno, am niayuk marikamo mababaya' risilo ondo' masauk ra longgom Muno.

MAZMUR 147:20

Kalo baalon No koson raginio ra bansa' ra bokon; kalo makaulig ilo ra ukum Nano. Omporo' noyo Tuhan!

MAZMUR 33:12

Pakaansuk noyo bansa' ondo' mangiou ra Tuhan noyo i Aki Kapuuno' no; pakaansuk noyo bansa' ondo' pinili' koson ra longgom Nano!

MAZMUR 50:7

“Rongogo' noyo, akau ulun Kuno, mindagu Aku; sonsolon Takamin, akau Israil. Aku no i Aki Kapuuno', i Aki Kapuuno' min.

MAZMUR 78:1

Sisindiron ri Asap. Rongogo' min pangilaan kuno, akau ulun ku ngai', am talinaasi' min raguon kuno.

KAINGKUALAN 19:6

Masauk kau ra ulun ondo' patimpokon Raki' galama', am mangandoi kau ayuk Raki' koson ra imam.”

KAINGKUALAN 33:13

Amon ru topot ginio, pambala' ra inatangan Muno maa' raginio makapangandoi aku Rirun am magulayun mapabansuk ra guang Muno. Karaa' niayuk ra Okou nampili' ra ulun ragitilo masauk ra Okou galama' tatangan.”

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

JISAYA 1:27

Sabap ra Tuhan no matimpok, bayagon No Jirusalim am moonong ulun ra giu' no tumalikur intor ra tula.

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 26:2

Ukabi' noyo kulobon-kulobon garabang ru bandar, Maa' raginio bansa'-bansa' ra gumagaya' sumubol, ondo' ulun nano gumagaya' ra kasagaan ri Aki Kapuuno'.

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 42:21

Masalok Tuhan masaga' mamayag; masaga' Io ra ukuman Nano urumaton am tulayon.

JISAYA 42:6

“Aku, Tuhan nampiau rirun am manaak rirun ra kandoi koson mapaugar ra katimpakan ra tana'. Pinabala' galing Rirun ra Aku mambaal ra nabantuan ra ngaangai' ulun; pinabala' galing rirun ra Aku mampasinda ra bansa'-bansa'.

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

1 KORINTUS 9:21

Mogondo' niayuk ra aku sumimpung ra ulun ondo' sala' ka Jaudi, paliso kuno koson ayuk ra ulun sala' ka Jaudi, maa' raginio makapangkimait aku risilo mangintopot ri Kristus. Arati' nati, sala' ka kalo gumagaya' aku ra susuban ri Aki Kapuuno'; sotopot no sumugut aku ra susuban ri Kristus.

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.