JISAYA 51:13 - Tanou Moonsoi Timugon

¹³ Makalilian kau kia ra Tuhan Namangun ramuyun ondo' namingkal ra limbowon am napabanta' lonor ru tana'? Kua monsongorou kau malaa' ra gabu' ru ulun mangimbolo' ramuyun ondo' nakatampos mamuso? Sotopot no, gabu' nilono kalo makasaboi ramuyun.

JISAYA 51:13 ပူးပေါင်းရင်းမြစ်များ

JISAYA 45:12

Aku noyo Tuhan napasauk ra tana' ti, am namangun ra ulun koson mangayan no. Ralalom kuasa' Kuno bingkalon Ku limbowon, am manguasa' ra mato ru orou, bulan am butitin-butitin.

JISAYA 40:22

Io no nanguasa' ra titikop ru tana' ti; namagun ru tana' makito boborok koson ra gapu'. Bilaron No limbowon koson ra konoon, am pabingkalon no koson ra kim ayanin.

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

MAZMUR 104:2

am liniputan Kou ru sinda. Biningkal Mu limbowon koson ra kim,

DANIL 3:19

Bulintok raginio Raja' Nibukadnijar siminangit kaga' ri Sadrak, Misak am i Abidnigo saboi malia' bulos nano. Ginio ra nanusub raja' ra ulun-ulun nano mampalasu' ra rapuan intulu' poyo lasu' intor ra kaindalaman.

JISAYA 48:13

Kalindu' Kuno mapabanta' ra sonor ru tana', am mamingkal ra limbowon. Bulintok ra Aku manusub ra limbowon am tana' muma', karuruo no mataki' matong.

JISAYA 44:24

“Aku noyo Tuhan Mamamayag ramuyun; Aku noyo namangun ramuyun. Aku noyo Tuhan Namangun ra ngaangai' no. Aku galama' namingkal ra limbowon; Aku namangun ra tana' ti ra kolondo' nangindangan.

AYUP 9:8

Kolondo' osoi pana ondo' nangindangan ri Aki Kapuuno' namingkal ra limbowon, kapoam nanginjang ra bakulung ru tambuakal ru raat.

PINAINTALANG 20:9

Nakaralat ilo ra titikop ru tana' ti saboi liputin nilo kim ru ulun ri Aki Kapuuno', ioginio bandar ondo' tinagaman Nano. Kaa' timinuun apui intor ra suruga' mangumpo risilo.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

IBRANI 11:15

Amon ru pagun ondo' iniruanan nilai i ondo' guangon nilai ti, maaru' makauli' ilo noyo ra intok raginio.

1 KORINTUS 15:55

“Alii kapatayan, ati boo kamanangan muli? Alii kapatayan, ati boo kuasa' muli?”

1 KORINTUS 1:20

Intor raginio, atan onong ru ulun mapintar? Atan onong ru ulun mapandai? Am atan poyo onong ru ulun ru tana' ti ondo' mapandai tumaam? Sabap ra i Aki Kapuuno' nampakito noyo ra kapintaran ru ulun ru tana' ti sotopot no sasambungon.

DANIL 3:15

Raino paat ra akau mokorongog ra bolos ru bujung, suling, rebab, gambus, jitor am kuliamos ru miujik ra bokon, migulatur kau am samba ra sinungkalalaing no. Amon ru kalo, indibakin kau papatiron ra rapuan ondo' bibilak. Ati kia ra dewa ondo' makapamayag ramuyun?”

JIRIMIA 51:15

Namingkal Tuhan ra tana' ti ra kuasa' Nano; Namingkal Io ra tana' ti ra kapintaran Nano, am nampaatang ra limbowon ra pangaratian Nano.

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JISAYA 42:5

Tuhan i Aki Kapuuno' namangun am napabingkal ra limbowon; binangun No tana' am niayuk nansalinut naayag ra rasawat nano; Manaak io ra painawo ra ulun. Ragino i Aki Kapuuno' mindagu ra ulipon Nano,

JISAYA 16:4

Polosoo' akaino mayan ra pagun mino. Sindungi' akaino intor risilo ondo' masaga' mamuso ramon.” (Pangimbalaan am pamusaan no langgain, am ulun ondo' mamuso ra pagun ru Israil mapuso.

JISAYA 7:4

Susubo' io tumampos am pai' kalingas. Kalo pana malaa' io kapoam magalabo. Sangitan ru Raja' Rijin am ulun ru Siria am niayuk Raja' Pika kalo makalalaa' ka lisun intor ra ruo polompor ru luton.

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

AYUP 37:18

Maindangan mu kia i Aki Kapuuno' mamingkal ra limbowon, am mampasauk riso ra mokotog koson ra acuan ru basi'?

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

ESTER 5:14

Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

SAGULION 32:18

Nalilianan nilo i Aki Kapuuno', Mamamayag ondo' mapanggol, Nanaak Io risilo ra kaayagan.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.

JISAYA 57:11

Mindagu Tuhan, “Osoi kia dewa-dewa ondo' mangilalaa' ramuyun saboi magabau kau Raki' am lumingon mampalilian Raki'? Kalo kia boo mangurumat kau Raki' sabap nabuoi Aku nongkoror?

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

SAGULION 8:11

“Tutuno' noyo maa' raginio kalo lilianin min Tuhan i Aki Kapuuno' min. Pai' kaliliani' gumagaya' ra rondo' ukum pana ondo' taakin kuno ramuyun ra orou raiti'.

JISAYA 9:4

Kasut ra sinulungan ru saujor ondo' mangayou am nansalinut bayang nilo ondo' naluitan ru raraa' makai' mosolob ru apui.

JISAYA 10:24

Tuhan, Raja' Ondo' Maayo Kaga' Kuasa' mindagu ra ulun Nano ondo' minayan ra Sion, “Pai' kalaa' ra ulun ru Asyur kabalu' pana mangimbolo' ilo ramuyun koson ra ulun ru Misir ra galing i.

JISAYA 14:4

Bulintok ra Tuhan no mambaal koson raginio, asabin nilo raja' Babilonia koson ragitio, “Raja' ra malaat kaga' naratu' noyo! Kalo boo makapangimbolo' io ra osoi-osoi ayuk pana!

JISAYA 40:21

Kalo kia nakapandai kau? Kalo kia binalaan kau intor ra galing i? Sala' kia ka i Aki Kapuuno' namangun ra tana'?

JISAYA 45:18

Tuhan noyo namangun ra limbowon, Io noyo i Aki Kapuuno'! Io noyo namangun am nambaal ra tana' ti, am tana' ti masauk ra mokotog. Kalo polosoon no intok raginio masiluk, kaa' intok raginio ayanin. Io noyo minindagu, “Aku noyo Tuhan, am kolondo' bokon.

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JISAYA 54:14

Pinotolorog kou intor ra katimpakan, pinainggalur intor ra kajamaran am pangimpayan.

JIRIMIA 38:19

Kaa' taam ru raja', “Malaa' aku ra mamagun kuno ondo' minaya' ra ulun ru Babilonia. Maaru' lair pataakon aku risilo am imboloon.”

DANIL 3:18

Kaa' amon ru kalo niayuk baalon No, musiti' mu pabalaan ra kalo sumamba akai ra dewa muno am niayuk migulatur samba ra sinungkalalaing mas ondo' pinabigor muno.”

MAZMUR 106:13

Kaa' mataki' ilo makalilian ra binaal ru Tuhan, atan ayuk baalon nilo kolondo' pinson intor Riso.

JISAYA 43:1

Akau Israil, ginio noyo ragu ru Tuhan ondo' namangun ramuyun, “Pai' kano kalaa'! Bayagon Takamin. Piniau Takamin ra inggalan mino, akau longgom Kuno.

JIRIMIA 51:19

I Aki Kapuuno' ri Jakub sala' ka koson ra dewa-dewa no; Io no nambaal ra ngaangai' no, am Io nampili' ra Israil nasauk ra ulun Nano galama'. Inggalan Nano iono Tuhan Ondo' Maayo Kaga' Kuasa'.