JISAYA 51:12 - Tanou Moonsoi Timugon

¹² Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JISAYA 51:12 ပူးပေါင်းရင်းမြစ်များ

MAZMUR 118:6

Kalo malaa' aku sabap ra Tuhan mabaya' raki'; atan kia maalap kabaal ru ulun no raki'?

1 PITRUS 1:24

Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

JUANIS 14:18

Kalo manatang Aku ramuyun koson ra anak napatayan ra matuo. Kaa' sumaguli' Aku po ramuyun.

JISAYA 66:13

Bansukon Takamin giu' ra Jirusalim, koson ra ina' mapabansuk ra anak nano.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

AMSAL 29:26

Masuang ulun lumansan ra sungka' ru mangunguasa', kaa' Tuhan ayuk manaak ra katimpakan.

MAZMUR 146:4

Bulintok ra ilo matoi sumaguli' ilo ra tana'; paat orou raginio ngaangai' inatang nilono mapuso.

MAZMUR 92:7

Ulun sasambungon kalo makarati', ulun gigiison pana kalo makarati';

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

1 SAMUIL 15:24

Korongog ragu-ragu no indagu Raja' Saul ri Samuil, “Topot makatula aku noyo ra maayo. Minanggal aku noyo ra susuban ru Tuhan am napalilian ra bilin muli. Malaa' aku ra ulun-ulun kuno, am iniou ku kinitaak nilo.

2 RAJA'-RAJA' 1:15

Paat raginio niayuk malaikat ru Tuhan mindagu ri Ilia, “Tuun no mabaya' riso, am pai' kalaa'.” Ginio ra ongoi i Ilia nabaya' ra pagawai no, am uma' ra raja'.

JISAYA 40:1

“Bansuko' noyo ulun Kuno, bansuko' ilo no!” ragu ri Aki Kapuuno' mino.

JISAYA 49:13

Parimbai no, okou limbowon, pagilakup noyo okou tana', akau gunung-gunung, pagilakup noyo maansukan! Sabap ra Tuhan matong mangansuk ra ulun Nano, makaasi' Io ra ulun Nano ondo' inimpayan.

JISAYA 57:11

Mindagu Tuhan, “Osoi kia dewa-dewa ondo' mangilalaa' ramuyun saboi magabau kau Raki' am lumingon mampalilian Raki'? Kalo kia boo mangurumat kau Raki' sabap nabuoi Aku nongkoror?

JIRIMIA 38:19

Kaa' taam ru raja', “Malaa' aku ra mamagun kuno ondo' minaya' ra ulun ru Babilonia. Maaru' lair pataakon aku risilo am imboloon.”

YEHEZKIEL 2:6

Kaa' okou, ulun ondo' mapandai matoi, pai' kalaa' risilo kapoam atan ayuk ondo' raguon nilo. Anggalon am asabin nilo okou. Malimanan mu koson maayag ra tatanga' ru lingait. Kabalu' pana raginio, pai' kalaa' ra ulun-ulun gumuor no, kapoam atan ayuk ondo' raguon nilo.

1 SAMUIL 17:11

Pokorongog Raja' Saul am saujor nano ra anggal no, magalabo ilo am nalaa' kaga'.

1 SAMUIL 21:13

Ginio ra, giu' ra saang nilo i Daut no minitutuyang. Paat ra ilo kuminam mamparakop riso, ilain ayuk ra io kalo matanda'; binalis-balis no kulobon ru bandar no am pinoloso no tiwog nano timinilis ra jangut.

JISAYA 8:12

“Pai' kou paguum risilo, am pai' kalaa' ra atan ondo' kalaanan nilo.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JISAYA 61:2

Sinusub No aku koson mapatanou ra mamaar noyo bulintok ru Tuhan mamayag; koson mangansuk ra ngaangai' ondo' mangiluk guang, am mambalos ra pantula'-pantula' nilono;