JISAYA 51:11 - Tanou Moonsoi Timugon

¹¹ Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 51:11 ပူးပေါင်းရင်းမြစ်များ

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

JISAYA 61:7

Kalo boo tauyuon am asabin kau. Mayan kau ra pagun min galama', kinalangkayaan mino masauk induo ruang; bansuk mino mantilayun ra sabuoi-buoi no.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

PINAINTALANG 22:3

Giu' ra bandar no kolondo' rondo' pana ondo' inibatan ri Aki Kapuuno'. Takhta ri Aki Kapuuno' am Anak Domba no sumoroi ra bandar no am ulipon-ulipon Nano sumamba Riso ra giu' no.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

JISAYA 65:19

Aku galama' maantak guang sabap ra Jirusalim am mamagun nano. Giu' no kolondo' boo tinangian kapoam mampiau koson makiindangan.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

JISAYA 49:13

Parimbai no, okou limbowon, pagilakup noyo okou tana', akau gunung-gunung, pagilakup noyo maansukan! Sabap ra Tuhan matong mangansuk ra ulun Nano, makaasi' Io ra ulun Nano ondo' inimpayan.

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

PINAINTALANG 21:1

Kakito ku boo limbowon am tana' bagu. Limbowon am tana' kasaa' naliom noyo am raat no kalio boo.

MAZMUR 126:5

Gama' ru liliwa' ru ulun no mantangi' ra io mapatias ra sampug, am mangkumos ra ampos no liliwa' maansukan!

JISAYA 11:15

Tuhan mapalasak ra Teluk Suez. Pasiobon No angin malasu' saboi Sungoi Iprat masauk tulu' ngantaun sungoi boborok ondo' maitik, am osoi-osoi pana makasandaup ra monggolob.

JISAYA 55:12

Tatangon min Babil ra guang maantak, am inataran paingkualo' ra maayag. Gunung am bulur maansukan am magilakup, tatanom giu' ra umo magilakup.

JISAYA 65:14

Maririmbai ilo am maansukan, kaa' akau mantangi' am malawo guang.

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

MAZMUR 126:2

Nakakurit takau am marimbai sabap ra maansukan! Saboi ngaangai' bansa' ra bokon mindagu, “Nambaal Tuhan no ra babaal ondo' makaimuag no risilo.”