JISAYA 51:1 - Tanou Moonsoi Timugon

¹ Tuhan mindagu, “Rongogo' Aku no, akau ondo' masaga' bayagon am ratong kano Raki' makiindangan. Karaan noyo gunung batu intor min natulisan, am pangkalian ra batu intor min nakali.

JISAYA 51:1 ပူးပေါင်းရင်းမြစ်များ

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

2 TUNUNG RU BANSA' ISRAIL 15:4

Kaa' paat ra kapaganan, nakiindangan ilo ra Tuhan, i Aki Kapuuno' ru Israil. Maguyum ilo Riso, am makatuum Riso.

MAZMUR 24:6

Ulun koson raginio noyo matong muma' ri Aki Kapuuno', ilo noyo matong sumamba ra Aki Kapuuno' ri Jakub no.

MAZMUR 94:15

Katimpakan pabigoron poyo ra makama, am ngaangai' ru ulun mabanis guang manungka' riso.

AMSAL 15:9

Masisang Tuhan ra ralan kaayagan ru ulun maanggal-anggal, kaa' tagamin No ulun ondo' gumogot mambaal ra kasagaan Nano.

AMSAL 21:21

Ulun mabanis guang am moonsoi guang makaumur maawar. Urumaton io am matimpok pamakuan nilo riso.

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

JISAYA 48:1

Rongogo' noyo baal ragitio, akau ulun ru Israil, papag ri Jiuda, nampator kau ralalom inggalan ru Tuhan am mangiou sumamba ri Aki Kapuuno' ru Israil, kaa' ragu-ragu mino kalo motopot.

JISAYA 48:12

Tuhan mindagu, “Rongogo' noyo, akau Israil, ulun ondo' piniau Kuno. Aku noyo i Aki Kapuuno', rondo'-rondo' ayuk i Aki Kapuuno', ondo' kasaa' am pamupusan!

JISAYA 51:4

“Rongogo' noyo bolos Kuno, akau bansa' Kuno, Rongogo' noyo ragu-ragu Kuno, akau ulun Kuno. Mangila' Aku ra bansa'-bansa', ngaangai' ukum Kuno manaak risilo ra sinda.

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

JISAYA 55:6

Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.

JISAYA 65:10

Sumamba ilo Raki', am maningganai ra tambiag nilo mongoi ra Dataran Saron tampilon ra kalasaan, am giu' ra Limayak Akor tampilon ra sirangon.

AMOS 5:6

Saguli' kano ra Tuhan, am akau pana maayag. Amon ru kalo sumaguli' kau Riso, matong Io koson ra apui ondo' bibilak ra ulun ru Israil. Apui monolob ra mamagun ru Bitil am kolondo' sangulun pana makalasa' ra apui no.

JIPANYA 2:3

Saguli' no ra Tuhan, akau ngaangai' ulun ondo' gumagaya' ra susuban Nano. Baalo' noyo atan ondo' kasagaan ru Tuhan, am painggana' guang mino giu' ra saang Nano. Maaru' lair akau makalabus intor ra ukuman paat ra orou ru Tuhan mampakito ra sangit Nano.

MATIUS 5:6

Pakaansuk noyo ulun ondo' maguyum ra kasagaan ri Aki Kapuuno', sabap ra basugon ilo ri Aki Kapuuno'.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

ROMA 14:19

Intor raginio, kasalok takano mirot maayag ra rondo' guang am magigikang ra pangintapatan.

PILIPI 3:13

Pabukat kau, kalo noyo mangkara' aku ra matanda' aku no, kaa' rondo' ayuk guangon kuno, ioginio kalo boo karaan ku sauk ra nakasail i, kaa' mompogogot aku ayuk momongo ra atan ondo' rayuson kutu saboi ra pupus no.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 TIMOTIUS 2:22

Inggaluri' noyo kalaayan ru guang ru mamulok. Singkotog no sumauk ra ulun mabanis guang, ulun mangintopot ra Tuhan, motogom am mobonsoi risilo ondo' masalok makiindangan ra Tuhan mabaya' ra guang mapasau.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.