JISAYA 50:2 - Tanou Moonsoi Timugon

² Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JISAYA 50:2 ပူးပေါင်းရင်းမြစ်များ

JISAYA 59:1

Pai' karaa' ra Tuhan no malawo kaga' koson mamayag ramuyun, kapoam barat kaga' koson mangkirongog ra pampiawan mino.

UNTABAN 11:23

Indagu Tuhan, “Makabalitan kia kuasa' Kuno? Makakito kou ra mataki' ru masauk kia kapoam kalo ragu Kuno!”

JISAYA 66:4

Ginio ra palumpaan Ku karaat no risilo, ioginio karaat ra kalaanin nilo. Baal raginio masauk sabap ra bulintok ra Aku mampiau, kolondo' sangulun pana tumaam, am bulintok ra Aku mindagu, kolondo' sangulun pana mangkirongog. Masaga' ilo manggal Raki' am mambaal ra malaat.”

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.

KASAUKAN 18:14

Ginio ra babaai kia kalo mapasauk Tuhan no ra atan-atan? Koson ra ragu Ku ra raitii' ni ra siam ngansila' intor raino rumuli' Aku ragiti. Paat raginio i Sara makaanak sangulun ungkuyon.”

GOSIA 11:7

Totopot ilo masaga' mangiruan Raki'. Mampalaa ilo makiindangan sabap ra inimbolo', kaa' kolondo' osoi pana mampalabus risilo.

AMSAL 1:24

Piawon takamin rumatong kaa' kalo mangkirongog kau. Kalo lioon min aku.

JUANIS 1:11

Minatong Io ra intok Nano galama', kaa' bansa' Nano galama' kalo nangapu Riso.

NAGUM 1:4

Ra susuban Nano, raat malasak; sungoi pana lasakin. Padang-padang giu' ra Basan mapua', Gunung Karmil pana mapua', am lumonot boo bunga'-bunga' giu' ra Libanon.

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

DANIL 3:29

“Raino rongogo' raguon kutu: Osoi ayuk intor ra bansa', bansa' boborok kapoam ragu ra atan ayuk ondo' magasab ri Aki Kapuuno' ri Sadrak, Misak am niayuk i Abidnigo, puputulon, am baloi nano gabaan am saukon ra tuntur ru nalunsai. Kolondo' dewa ondo' makapambaal ra ondo' binaal ri Aki Kapuuno' nilo.”

DANIL 3:15

Raino paat ra akau mokorongog ra bolos ru bujung, suling, rebab, gambus, jitor am kuliamos ru miujik ra bokon, migulatur kau am samba ra sinungkalalaing no. Amon ru kalo, indibakin kau papatiron ra rapuan ondo' bibilak. Ati kia ra dewa ondo' makapamayag ramuyun?”

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JISAYA 65:12

Malarom patayan mino sabap ra akau kalo tumaam bulintok ra Aku mampiau, am kalo mangkirongog kau bulintok ra Aku mindagu. Singonon min kalo gumagaya' Raki' am singonon min mambaal ra malaat.

JISAYA 59:16

Mangimuag Io sabap ra kolondo' ulun rumatong am kolondo' ulun manungka'. Ginio ra mamakai Io ra kuasa' Nano galama' koson mamayag am mapamanang risilo.

JISAYA 43:16

Galing i Tuhan nambaal ra ralan maya' ra raat, ralan maya' ra timug ondo' makakinulun.

JISAYA 42:15

Gunung am bulur saukon Ku mapua', am mopolonot ra nansalinut tutuu' am sakot. Kulawon Ku sungoi giu' ra limayak masauk ra tana' kaagisan, am mapalasak ra kulam-kulam ru timug.

KAINGKUALAN 14:21

Patutuyo' ri Musa kalindu' nano rasawat ru raat, am mangkinibit Tuhan ra angin sirangon sumiob ra mapuor saboi lumugut timug ru raat. Nagangin buoi ru rondom am nangulau ra raat nasauk ra tana' mapua'. Nalapak timug ru raat,

KAINGKUALAN 7:21

Patoi papait-papait ralalom ru sungoi no, am mootong kaga' owou no saboi timug ru sungoi no kalo mainum ru ulun ru Misir. Titikop pagun ru Misir makararaa'.

KAINGKUALAN 7:18

Matoi papait, am masauk sungoi ti ra mootong kaga' saboi kalo mainum timug no ru ulun ru Misir.’ ”

JUANIS 3:19

Gitio noyo ukuman ti: sinda no nakaratong noyo ra tana' ti, kaa' ulun masaga' poyo ra kalandaman intor ra sinda sabap ra ondo' baalon nilai malaat.

MARKUS 4:39

Kakarat Io, am susubo' No bagiu' mapuor no am indagu ra tasik no, “Pongkoror! Linos no!” Bagiu' no pana limininos am tasik no pana liminiuk.

DANIL 6:20

Paat ra maar matawang, sukal raja' am agou-agou minongoi ra luang batu ru singa' no.

JIRIMIA 5:1

Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

JISAYA 51:10

Okou niayuk nampalasak ra raat, timug ru raat ondo' malandom. Binaal Mu ralan giu' ra tatanga' ru timug no, maa' raginio ulun-ulun bayagon makasandaup.

JISAYA 41:28

Bulintok ra Aku magilong ra dewa-dewa no, kolondo' mindagu ra atan-atan, kolondo' makataam ra pangkuatan Kuno.

JISAYA 36:20

Ati kia rondo' dewa igondo' pamayag ra pagun nano intor ra raja' maino? Kua kia pangkara' kau ra Tuhan makapamayag ra Jirusalim?”

JISAYA 19:5

Timug ru sungoi Nil maitik am kalo mabuoi raginio malasakan.

MAZMUR 107:33

Lasakin sungoi no ru Tuhan, saboi koson ra tana' kaagisan, am pasaukon taur ru timug no ra mapua'.

2 TUNUNG RU BANSA' ISRAIL 32:15

Pai' polosoo' Raja' Gijkia mamparuung kapoam mampalayau ramuyun. Pai' pangintopot riso! Kalo poyo igondo' dewa ru bansa' ra ati pana masaga' mamayag ra pagun nano intor ra raja' ru pagun ru Asyur. Dewa mino pana maaru' kalo makapamayag ramuyun!”

KAINGKUALAN 14:29

Kaa' ulun ru Israil nansail ra raat ralimbou ru tana' ondo' mapua', liliwa' timug tampilon pamiris am kait nasauk ra rinding masawat ru timug.

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

MAZMUR 106:9

Susubon No Raat Galaga am raat no pana mapua', ibiton No ulun Nano mugar ra raat, koson mugar ra tana' kaagisan.

DANIL 6:27

Manusub aku maa' raginio ngaangai' ulun ra titikop ru pamarintaan kuno mangurumat am malaa' ri Aki Kapuuno' ondo' sambaan ri Danil. Io noyo i Aki Kapuuno' ondo' naayag, Io mamarinta ra sabuoi-buoi no. Pamarintaan Nano totopot kalo mapuso, am kuasa' Nano kolondo' pupus.

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.

JISAYA 11:15

Tuhan mapalasak ra Teluk Suez. Pasiobon No angin malasu' saboi Sungoi Iprat masauk tulu' ngantaun sungoi boborok ondo' maitik, am osoi-osoi pana makasandaup ra monggolob.

JISAYA 23:11

Palar ru Tuhan binilar no ra rasawat ru raat am mamulir ra ngaangai' pamarintaan. Nanusub Io koson mamuso ra pusor-pusor ru pangindapuan giu' ra Punisia.

JISAYA 44:27

Ralalom ru panusuban Kuno, raat masauk malasakan.

JISAYA 54:6

Israil, okou koson ra sangulun andu' mamulok ondo' mangiluk guang sabap ra tinatang ru ralaki nano. Kaa' i Aki Kapuuno' mampiau rirun saguli' am mindagu,

JIRIMIA 7:27

Ginio sabap ra, alii Jirimia, inda' pana posoboyon mu ngaangai' bala' ti ra ulun Kuno, kalo mangkirongog ilo rirun. Kabalu' pana mampiau kou risilo, kalo tumaam ilo.

JIRIMIA 14:9

Kua kia koson Okou ra ulun naubong, koson ra ulun tutumula' ondo' kalo makatanggang mangindangan? Maaru' maya' Kou ramon, iou Tuhan! Akai ulun Muno, pai' pangiruan ramon!’ ”

JIRIMIA 35:14

Papag ri Jonadab giminagaya' ra susuban ri Jonadab maa' raginio kalo manginum ra wain. Saboi ra orou raiti' kolondo' sangulun pana risilo nanginum ra wain. Kabalu' pana rinayus Ku minindagu ramuyun, kaa' kalo ginagaya' min Aku.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.