JISAYA 5:9 - Tanou Moonsoi Timugon

⁹ Makaining aku ra Tuhan Ondo' Maayo Kaga' Kuasa' mindagu, “Ngaangai' baloi ondo' maayo am moonsoi ti kalo ayanin am kolondo' mangayan.

JISAYA 5:9 ပူးပေါင်းရင်းမြစ်များ

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

AYUP 15:28

Ginio noyo ulun ondo' nanguasa' ra bandar-bandar, am nampagaau ra baloi-baloi ondo' iniruanan noyo. Bandar-bandar inaru' noyo koson magulayun masauk ra nangalunsai.

AYUP 20:21

Paat ra ilo mangakan, kalo igondo' mokoondo' ra suwo, kaa', raino napupusan noyo kalangkayaan nilo.

AMSAL 15:27

Ulun maguyum ra mauli' kaa' ralalom ralan kalo matanda', mapakapagon risilo sambaloi. Ulun ra kalo maambi' maawar painawo.

JISAYA 22:14

Tuhan Raja' Ondo' Maayo Kaga' Kuasa' mindagu raki', “Kalaatan nilono totopot kalo boo ampunon saboi ilo matoi. Aku, Tuhan Raja' Ondo' Maayo Kaga' Kuasa' minindagu noyo.”

JISAYA 27:10

Bandar ra makakubu no masiluk boo am tinatang boo saboi kolondo' namagun koson ra tana' kaagisan. Sampanon ru sapi' mongkotop am tumangus ra giu' no liliwa' mangai' ra raun intor ra raan-raan ru puun.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

AMOS 6:11

Paat ra Tuhan manusub, baloi maayo am baloi boborok pusoon.

MATIUS 22:7

Paat ra raja' ti nokorongog ra baal raginio, siminangit io kaga'. Panusub io ra saujor-saujor nano mongoi pamatoi risilo am ponolob ra bandar nilono.

MATIUS 23:38

Sabap raginio, Baloi Tuhan min iruanin ri Aki Kapuuno', am masiluk boo.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.