JISAYA 5:6 - Tanou Moonsoi Timugon

⁶ Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JISAYA 5:6 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 8:35

“Paat ra Okou napauog ra rasam sabap ra ulun Muno makatula noyo Rirun, am timinalikur ilo intor ra tula am tumingkuang ra Baloi ti, am makiasi' Rirun ra minggana' guang,

AYUP 31:40

polosoon noyo ondo' tumuu' ra giu' no, alab am ruui, am sala' ka gandum kapoam barli.” Gini noyo ragu-ragu ri Ayup.

AMSAL 24:31

Intok raginio kataunan am kaalaban. Insor ru timbok nano naaba' noyo.

JISAYA 24:12

Bandar napuso noyo, am kulobon-kulobon garabang nano pinuut noyo.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JISAYA 32:10

Ragino majala' noyo guang min, kaa' sambilor poyo malumpus kau, sabap ra kawa' ru anggur makai' kapuso.

JISAYA 49:19

Pagun muno ondo' mapua' am masiluk, ragino nasauk mapisok kaga' ra ilo ondo' makaguang mayan no. Am ulun-ulun ondo' makaguang mamatoi rirun, minugar noyo maalur intor rirun.

JISAYA 55:13

Puun ru sipris sumuali ra karuuyan, tatanom ru bunga' sumuali ra bulungkut makaruui. Ginio masauk maa' raginio anggakon Aku; koson tatandu' mantilayun ra kalo matatak.”

JISAYA 7:19

Tumimung ilo ra tobo-tobo ondo' mapasuk, lolot-lolot ru kabatuan bulur, am moonong bulungkut makaruui am niayuk limayak masakot.

JIRIMIA 14:1

Koon raginio ragu ru Tuhan raki' intor ra bulintok tampio,

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 45:4

Kaa' raino Aku, Tuhan, tatanga' mampalunsai ra atan ondo' binaal Kuno; tatanga' Aku mamubul ra atan ondo' tinanom Kuno. Baalon Ku ginio ra titikop ru tana' ti.

SULABOI 2:6

Nanutuk Io ra Baloi ru Tuhan intok takau sumamba Riso; iniru' No ngaangai' pangiantakan am orou Sabat. Raja' am imam ngaangai' no naimbolo' kinibit ru sangit Nano.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

GOSIA 9:6

Paat ra karaat makasaboi am mamagun nantutuliar, ulun ru Misir manimung ramuyun koson potoyon am koson lobongon giu' ra Mimpis! Rapu' mino intor ra pirok am tana' ru baloi min ragili malungkutan ru sakot am bulungkut makaruui.

JOIL 1:7

Puun ru anggur takau pinuso noyo, am puun ru ara takau pinandak. Kulapa' ru puun tataun inanit, saboi raan-raan nasauk ra mapulak.

AMOS 4:7

Aku nongompong ra rasam rumatu' paat ra tatanom min musiti' maasa' ra timug. Paratuon Ku rasam giu' ra rondo' bandar kaa' kalo paratuon ra bandar ra bokon. Rondo' umo marasaman, kaa' umo ra bokon mapuaan.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

PINAINTALANG 11:6

Mokoondo' ilo ra kuasa' mangangob ra limbowon ti saboi kalo boo rumasam buoi ilo mampabala' ra tanou intor ri Aki Kapuuno'. Mokoondo' ilo niayuk ra kuasa' ra ngaangai' taur ru timug, koson makapangulau ra timug no masauk ra raraa'. Mokoondo' ilo niayuk ra kuasa' mambaal ra nansalinut kapaganan malaat ra tana' sasanggilan ayuk maya' ayuk ra kasagaan nilo galama'.