JISAYA 5:24 - Tanou Moonsoi Timugon

²⁴ Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

JISAYA 5:24 ပူးပေါင်းရင်းမြစ်များ

JISAYA 30:12

Kaa' gitio noyo ragu ri Aki Kapuuno' ru Israil, i Aki Kapuuno' ondo' matulai, “Kalo lioon min ragu Kuno am lumansan kau ayuk ra kalaatan am pamparuungan.

AYUP 18:16

Bakat nilo mapua' am kumulionjot, raan nilo lumonot am kumukus.

LUKAS 3:17

Io ti koson ra ulun ondo' mangatap ra ngaangai' gandum no saboi mapasau, am timungon no ralalom ru kulapa'. Kaa' ngaangai' apol solobon ra apui ondo' kalo malasa' ra sabubuoi.”

JOIL 2:5

Paat ra gapu' morop giu' ra tampak ru gunung, gapu' satulindak koson ra kurita' kuda, am manguripit koson ra sakot mapua' ra nosolob. Gapu' timininting koson ra saujor ondo' nakatampos koson mamulunsar.

JISAYA 47:14

Ilo koson ra rami ondo' nakai' kosolob ru apui; kalo makapamayag ilo ra inan nilo galama'! Simbula' ru apui no malasu' kaga' limanin nilo, sala ka apui malasu' pandarangan.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

KAINGKUALAN 15:7

Ra kinaayo kaga' Muno, pinuso Mu pantula' Muno; sangit Muno nasimbuluk am nonolob risilo koson ra rami.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

RINALATAN 13:41

‘Ilai' min, ulun magagasab! Pangimuag am kapuso kau! Sabap ra raino ti mokoondo' saukon Kuno poyo ondo' kalo lair intopoton min, ra kabalu' pana mokoondo' noyo ulun mambala' ramuyun.’ ”

JUANIS 12:48

Osoi ayuk manginggi' Raki' am ragu Kuno, mokoondo' noyo mangakim riso. Ragu ondo' pinasaboi Kuli mangakim riso ra Orou Pupus.

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

LUKAS 7:30

Kaa' ulun-ulun ru Parisi am mangingila' ra Ukum ri Musa, kalo inapu nilo pamaguangan ri Aki Kapuuno' am kalo nakiriu' ilo ri Juanis.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

NAGUM 1:10

Akau magauk solobon koson ra rami ondo' mapua', koson ra bulungkut makaruui ondo' nanririlit.

AMOS 2:9

Kabalu' pana koson raginio, akau ulun Kuno, ra tayar min noyo mamuso ra ulun ru Amori ondo' masawat koson ra puun sidar am maikang koson ra puun oak.

GOSIA 9:16

Ulun ru Israil koson ra puun tataun ondo' kalo nangkawa' am bakat nano mapua' noyo. Kalo maganak ilo, potoyon Ku anak-anak ondo' tagamin nilo.”

GOSIA 5:12

Ginio ra tutukon Ku Israil, am pusoon bansa' ru Jiuda.

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

JISAYA 8:6

Kon Nano, “Sabap ra ulun ragitio marara' ra timug ondo' maliuk intor ra Sungoi Syiloa, am makaansuk ilo ra saang ru Raja' Rijin am Raja' Pika,

MAZMUR 50:17

sabap ra kalo masaga' kau mangapu ra pangilaan Kuno; nangimpai kau ra susuban Kuno.

NIGIMIA 9:26

Kaa' ulun Muno giminuor am kalo giminagaya' Rirun; tinalikuran nilo Taurat Muno. Pinatoi nilo nabi-nabi ondo' nampakara' risilo, am ondo' nanusub risilo sumaguli' Rirun. Ruruli' ilo magasab Rirun,

1 SAMUIL 15:26

Kaa' taam i Samuil, “Kalo masaga' aku maya' rirun. Nangimpai kou noyo ra susuban ru Tuhan, am raino nangimpai Io rirun koson raja' ru Israil.”

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

2 RAJA'-RAJA' 19:22

Indoson mu, osoi kia ondo' iison am asabin muno? Liminimbau kono Raki', i Aki Kapuuno' ru Israil, i Aki Kapuuno' ondo' matulai.

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

JISAYA 1:31

Koson ra rami nosolob ra baa makaapui, koson raginio niayuk ra ulun-ulun makakuasa' ondo' pusoon ru binaal malaat nilo galama', am kolondo' sangulun pana mopolonggo' ra pamusaan raginio.

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

JISAYA 9:18

Sabap ra Tuhan Ondo' Maayo Kaga' Kuasa' siminangit toojo, ukuman Nano koson ra apui ondo' nonolob ra titikop ru pagun no am niayuk namagun nano. Moonong ulun mangkara' ayuk ra kaatangan ru inan nano galama'.

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

JISAYA 24:6

Ginio ri Aki Kapuuno' nagulas ra tana' ti. Ulun makaapu ra balos intor ra binaal nilo, am ulun maayag buoi-buoi no kalo boo kukula'.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

GOSIA 11:9

Kalo mangukum Aku ramuyun paat ra Aku sumangit; Kalo boo mamuso Aku ra Israil, sabap Aku ti i Aki Kapuuno' am sala' ka ulun. Aku, Ondo' Matulai Kaga' mabaya' ramuyun, kalo boo sumangit Aku ramuyun.”

KAINGKUALAN 5:12

Ginio ra ongoi ulun ru Israil ra titikop pagun ru Misir maguyum ra rami.

SAGULION 28:24

Kalo parasamon ru Tuhan, kaa' rasam ru kaau am rasam ru agis saboi makai' kau kaluus.

AYUP 8:17

Bakat nano riminilit ra batu, am liminokot ra moonong batu no.

YEHEZKIEL 15:6

Gitio noyo ragu ru Tuhan Raja', “Koson ra bulisang ru puun ru anggur inalap intor ra kataunan am sinolob, koon niayuk ra pamakuan Kuno ra mamagun ru Jirusalim,

AMOS 2:4

Indagu Tuhan, “Mamagun ru Jiuda ruruli' noyo makatula, sabap raginio maaru' ukumin Ku ilo. Inanggal nilo susuban Kuno am kalo mampalio ra pangilaan Kuno. Pinalayau ilo ru tuhan-tuhan ra bokon ondo' sambaan ru kinamatuaan nilo.