JISAYA 5:23 - Tanou Moonsoi Timugon

²³ Kaa' bulintok ra akau aniin ra rasua kabalu' pana sanganu ayuk, makatampos kano mapalabus ra ulun makasala, am niayuk mongompong ra ulun ondo' kolondo' sala mangapu ra katimpakan.

JISAYA 5:23 ပူးပေါင်းရင်းမြစ်များ

JISAYA 10:2

Ginio noyo namakuan min mongompong ra ulun musikin mangalap ra matanda' risilo am katimpakan, am niayuk mampagaau ra longgom ru ulun napuor am anak nailusan ra matuo.

JAKUBUS 5:6

Nangukum am namatoi kau ra ulun ondo' kolondo' sala, am kalo manggal ilo ramuyun.

AMSAL 17:15

Masisang Tuhan ra napalabusan ra ulun malaat am sumonsol ra ulun kolondo' sala.

MAZMUR 94:21

mampapakat ilo tumula' ra ulun moonsoi, am ukumin nilo potoyo' ulun ra kolondo' sala.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

AMSAL 24:24

Amon ru ulun makasala kaa' namatasan nano kolondo' sala, akim no ulason am kasisangin ru ngaangai' ulun.

AMSAL 17:23

Akim ra kalo mabanis guang suminok mangapu ra rasua am kalo nampaugar ra katimpakan.

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

MATIUS 23:35

Pupus no, ukum ra namatoi ra ngaangai' ulun ondo' kolondo' sala i paratuon ramuyun. Intor namatayan ri Abil ondo' kolondo' sala, suku' namatayan ri Jakaria, anak ri Birikia, ondo' pinatoi min ra lolot ru altar am Intok Matulai.

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

JISAYA 10:1

Aibui boo ramuyun! Nambaal kau ra undang-undang ondo' kalo natimpok koson mangimbolo' ra ulun kuno.

JISAYA 32:7

Ulun mamparuung mangkara' am mambaal ra malaat. Mangkara' ilo ra ralan mamparuung ra ulun musikin ralalom ragu-ragu abau, am mongompong ra ulun musikin makaalap ra kaapuan nilono.

JISAYA 59:15

Kolondo' boo ulun mabanis guang, saboi osoi minggalur ra kalaatan, io galama' masauk ra mausung ru kalaatan.” Tuhan nakakito ra ngaangai' no, am kalo moonsoi gigilong Nano sabap kolondo' boo katimpakan.

AMOS 5:12

Nakapandai Aku mapara' gayo ru tula min am mapara' suang ru kalaatan ondo' binaal min. Nangimbolo' kau ra ulun moonsoi, nangapu ra ruit rasua am nongompong ra ulun musikin intor ra makaalap ra katimpakan giu' ra pangakiman.

JISAYA 28:7

Nabi am imam pana nagauk kaga' saboi kakasumpil ayuk ra mugar. Masuang kaga' ininum nilo ra wain am arak saboi makasaru sabap naubong. Nabi-nabi nangagauk kaga' saboi kalo boo mauligan nilo atan ondo' pinaintalang ri Aki Kapuuno', am ngaangai' imam nangagauk kaga' saboi kalo boo mapatasan nilo kasaukan ondo' pinabala' risilo.

JISAYA 29:21

Pusoon ri Aki Kapuuno' ulun ondo' masaga' manimbaal ra ragu, ulun ondo' mongompong ra ulun malaat no ukumin, am ulun ondo' mapatanou ra ragu-ragu magabau koson mongompong ra ulun mabanis guang makaapu ra katimpakan.