JISAYA 5:22 - Tanou Moonsoi Timugon

²² Aibui boo ramuyun, akau mainum-inum. Kalo namimii' pintar mino ra akau mamparatok ra inumon mapait!

JISAYA 5:22 ပူးပေါင်းရင်းမြစ်များ

JISAYA 5:11

Aibui boo ramuyun! Kakakarat min ayuk poyo am manginum kano ra inumon makagauk. Magauk kau boo saboi ra tanga' ru rondom.

ABAKUK 2:15

Aibui boo ramuyun sabap ra nabaya' ra sangit akau nagasab am nanauyu' ra sambalayan-sambalayan min; mangkinibit kau risilo kakasiling koson ra ulun magauk.

JISAYA 28:7

Nabi am imam pana nagauk kaga' saboi kakasumpil ayuk ra mugar. Masuang kaga' ininum nilo ra wain am arak saboi makasaru sabap naubong. Nabi-nabi nangagauk kaga' saboi kalo boo mauligan nilo atan ondo' pinaintalang ri Aki Kapuuno', am ngaangai' imam nangagauk kaga' saboi kalo boo mapatasan nilo kasaukan ondo' pinabala' risilo.

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

KAINGKUALAN 23:8

Pai' apuo' taak pangambi', sabap ra taak pangambi' no mopobolou ra ulun ra atan ondo' motopot am mampalubat ra ulun kalo makasala.

AMSAL 20:1

Inumon ra mampagauk mambaal ra ulun magauk am mambutok. Sasambungon noyo ulun manginum saboi magauk.

AMSAL 23:29

Nakapandai kau kia atan kasaukan ra ulun masuang inum ra wain am inumon ra mampagauk ra bokon? Ulun no maimbolo' toojo. Masalok io makimantaam am mambutok. Mato nano malia' am inan nano nangapilat, alika baal raginio sotopot no mailiwan no.

AMSAL 31:4

Rongogo' noyo, alii ri Limuil. Raja' sotopot no kalo manginum ra wain, kapoam masuolok ra inumon mampagauk.

JISAYA 22:13

Kaa' sala' boo maansukan kau am maantak. Nanimbalui kau ra domba am sapi', mangakan ra kual, am manginum ra wain, liliwa' mindagu, “Ibok pangakan am panginum takau sabap susuab no matoi takano.”

JISAYA 24:9

Kolondo' boo ulun manginum ra wain liliwa' marimbai; kolondo' boo ulun sumia' ra kinaamis ru inumon mapangit.

1 RAJA'-RAJA' 20:16

Pamulunsaran raginio pinuunan paat ra tanga' ru orou paat ra Raja' Bingadad am talu ngoopor am ruo ngaulun raja' ra paguum nano tatanga' nangagauk giu' ra pangkiman nilono.

AMSAL 31:5

Bulintok ra raja' no manginum raginio, koson mampalilian ra ukum am mangimpai ra pagapuan ru ilo ondo' kolondo' lulu'.