JISAYA 5:2 - Tanou Moonsoi Timugon

² Manangkul io ra tana' nano am mamatir ra batu-batu nano; mantanom io ra anggur napili', am nambaal io ra manara pantamungan. Mangkali io ra rondo' luang koson pamagaan ra kawa' ru anggur nano. Io pana mantamung saboi kawa' ru anggur maansak, kaa' moonong kawa' no mataris.

JISAYA 5:2 ပူးပေါင်းရင်းမြစ်များ

2 SAMUIL 7:10

Pinili' Ku noyo rondo' pagun tayar ru ulun Kuno Israil, am pinaayan Ku ilo ra giu' no. Kalo boo uliponon ilo ru osoi pana. Intor ra ilo minayan ra pagun no, binulunsar ilo ru ulun malaat, kaa' intor raino baal raginio kalo boo rumuli'. Mambantu' Aku mangampin rirun intor ra pantula' muno am mangani' rirun ra papag.

NIGIMIA 13:15

Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat.

MAZMUR 80:8

Patapulio' akai, iou Aki Kapuuno' Ondo' Maayo Kaga' Kuasa'. Pakaasi' no ramon maa' raginio maayag akai.

MAZMUR 80:9

Ibiton Mu ulun Muno ondo' koson ra puun ru anggur mingkual ra Misir; ininggalaran Mu bansa'-bansa' ra bokon, am tinanom Mu puun no ra pagun nilo.

KAINGKUALAN 33:16

Ati kulaan ulun bokon makapandai ra maansayan Kou ra ulun Muno am aku, amon ru kalo maya' Kou ramon? Saang Muno ra tatanga' mai mapasusuai ramon intor ra bansa' bokon ra tana' ti.”

JISAYA 1:8

Jirusalim ayuk natatang. Bandar no pana linibungan am kolondo' lulu' koson ra sulap nakapagayantanga' ra umo ru anggur kapoam pantau ra umo ru baliburan.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 2:21

Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

MIKA 4:8

Okou Jirusalim, intok ri Aki Kapuuno' mantamung ra ulun Nano koson sangulun magagalung, sumaguli' ra pusor bandar ru pamarintaan muno koson ragili.

UNTABAN 23:9

Intor ra tampak ru gunung makito ku ilo, intor rasawat ru bulur magilong aku risilo. Ilo rondo' bansa' ondo' naayag nagirondo', nakapandai ilo, binarakat ilo nasailan intor ra bansa' ra bokon.

MATIUS 21:19

Kiing ru ralan binayaan nilo mokoondo' sampuun ara timinuu'. Ongoi Io ra puun ru ara i, kaa' rondo' kawa' pana kolondo' nakito nano, raun ru ara ayuk soroi. Pagibot i Jisus ra puun ru ara ni, “Kalo boo mangkawa' kou ra sabuoi-buoi no!” Lonot pamulali' puun ara ni.

MATIUS 21:33

“Rongogo' poyo rondo' abig ragitio,” ragu ri Jisus. “Mokoondo' sangulun langkaya' ondo' nantanom ra umo ru anggur. Liputo' no ra insor am pangkali io ra rondo' luang ra batu maayo, pamagaan ra anggur am niayuk nambaal io ra manara masawat pagimpalan. Pasiwai' no boo umo ru anggur i ra kukula' ngaulun, am ongoi io ra pagun ru bokon.

MATIUS 21:34

Kasuku' orou ra mangkumos, tatangan ra umo i nanusub ra kukula' ngaulun ulipon nano mongoi ra ulun-ulun naniwa' i, koson mongoi pangapu ra tayar nali intor ra ulun-ulun naniwa' i.

MARKUS 11:13

Intor ra maalur nakito No sampuun ara ondo' maawas raun no. Ongoyo' No ilai' ru mokoondo' kawa'. Kaa' pakasuku' ra puun ru ara i, ilai' No raun ayuk, sabap ra paat ragili kalo poyo pangkawaan ru ara.

MARKUS 12:1

Tumalimpuun boo i Jisus mantunung ra abig ra tingganai imam Jaudi, mangingila' ra Ukum ri Musa am tingganai ru ulun ru Jaudi. Indagu i Jisus, “Mokoondo' sangulun ungkuyon nanangumo ra anggur, pagaro' no umo i. Kopongo ragili, pangkali io ra rondo' luang ra batu maayo, pamagaan ra anggur, am pambaal io ra manara masawat pagimpalan. Umo nali pana pasiwai' ra ulun bokon am ongoi io ra pagun ru bokon.

MARKUS 12:2

Kasuku' pangupuan ra kawa' ru anggur, ulun ti nanusub ra sangulun ulipon mongoi pangalap ra tayar nali intor ra ulun nampasiwaan no ra umo i.

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

1 KORINTUS 9:7

Kolondo' saujor maguyum ra balanja' nano galama' paat ra io makaaya' ra pangayawan. Kapoam kolondo' ulun magitanom kalo mangakan ra kawa' ru anggur intor ra umo nano galama'. Kapoam kolondo' magagalung ondo' kalo manginum ra gatas intor ra domba nano galama'.

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

TINGGANAI RU BANSA' 16:4

Kopongo raginio malaai i Simson ra sangulun ruandu' makainggalan ri Dilila, ondo' minayan giu' ra Pipit Sorik.