JISAYA 5:17 - Tanou Moonsoi Timugon

¹⁷ Nakaayantanga' ra napuutan ru bandar, anak ru domba mongkotop ra sakot am anak ru kambing mokoowot ra limayak ondo' makasakot malabung.

JISAYA 5:17 ပူးပေါင်းရင်းမြစ်များ

JIPANYA 2:6

Tana' min giu' ra kiing ru raat masauk ra padang sakot; kalukub-kalukub ru magagalung am kandang ru domba baalon ra giu'.

JISAYA 7:25

Bulur-bulur ra galing i ondo' inumo tuwin ru sulinit saboi kolondo' sangulun pana masaga' ra giu' no. Tana' raginio masauk ra intok pangkatapan ru sapi' am kambing.”

JIPANYA 2:14

Giu' no bibiag tinambiag am ngaangai' salinut ru bibiag magupu'. Susuit puok manabunsut giu' ra intok nalunsai no am manimpakaak intor ra gigimpalan. Susuit bangkaak manimpakaak giu' ra lugu' ru kulobon. Tataun sidar ra baloi-baloi ru bandar no koyoon iruo'.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

MIKA 2:12

Kaa' mampatimung Aku ramuyun, ulun Kuno Israil kau ngai' ondo' lakat poyo maayag. Manimung Aku ramuyun koson ra domba-domba ondo' muli' ra kandang. Koson ra padang ru sakot ondo' nososok ra domba, igondo' poyo pagun min mososok ra ulun.”

GOSIA 8:7

Paat ra ulun Kuno mampatias ra angin, mangkumos ilo ra bagiu'. Umo ru gandum ondo' kalo sumilou kolondo' ampos ru akanon. Kaa' amon ru umo no sumilou niayuk, ulun bansa' ra bokon mangai' ra gandum nano.

SULABOI 5:2

Rapu' tungkuson mai ginaau ru ulun ra bokon; ulun bansa' ra bokon tatanga' mayan ra baloi mai.

JIRIMIA 5:28

am niayuk molomok am moonsoi bayag. Kalaatan nilo kolondo' polos. Kalo mangindangan ilo ra anak nailusan ra matuo, am kalo matimpok ra ulun inimbolo'.

JISAYA 65:10

Sumamba ilo Raki', am maningganai ra tambiag nilo mongoi ra Dataran Saron tampilon ra kalasaan, am giu' ra Limayak Akor tampilon ra sirangon.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

JISAYA 32:14

Istana pana iruanin am pusor ru bandar nasauk ra masiluk. Bulur-bulur am manara-manara intok ru mantatamung no mapuut ra sabuoi-buoi no. Kaladai masigo am domba no salilitau am mongkotop ra giu' no.

JISAYA 17:2

Bandar-bandar giu' ra pagun Siria iruanin ra sabuoi-buoi no. Sapi' am domba salilitau ra giu' no am kolondo' sangulun pana manganjung.

JISAYA 10:16

Tuhan Ondo' Maayo' Kaga' Kuasa' mamparatong ra maruol koson mangukum ra panglima-panglima ondo' maikang. Matiu' ilo ra maruol ru salom koson ra apui sumolob ra rumalat-ralat.

JISAYA 1:7

Pagun mino pinuso noyo am bandar-bandar mino nakai' noyo solobo'. Mato mino galama' nakakito, ulun bansa' suai nampagaau ra tana' am ngaangai' no pinuso nilo.

MAZMUR 119:70

Ngaangai' ulun no kalo nakarati', kaa' Ukum Muno napabansuk ra guang kuno.

MAZMUR 73:7

guang nilo natikop ra kalaatan, am pangkaraan nilo giino ayuk mangatang ra kalaatan.

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

MAZMUR 17:10

ragu nilono limbau ayuk am kolondo' guang makaasi'.

NIGIMIA 9:37

Raino ampos ru tana' mai ginaau ru raja'-raja' ondo' nanguasa' ramon; pinataak Mu akai ra raja'-raja'; raino ampos ru tana' mai ginaau ru raja'-raja'. Pamakuan nilo ramon am bibiag tinambiag mai maya' ra kasagaan ru guang nilo; inimbolo' akai kaga' am mangiluk guang!”

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.

GOSIA 4:16

Ulun ru Israil mokotog ulu koson ra baghal. Ati kulaan Aku makapagalung risilo koson ra domba giu' ra padang sakot?