JISAYA 5:11 - Tanou Moonsoi Timugon

¹¹ Aibui boo ramuyun! Kakakarat min ayuk poyo am manginum kano ra inumon makagauk. Magauk kau boo saboi ra tanga' ru rondom.

JISAYA 5:11 ပူးပေါင်းရင်းမြစ်များ

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

JISAYA 5:22

Aibui boo ramuyun, akau mainum-inum. Kalo namimii' pintar mino ra akau mamparatok ra inumon mapait!

AMSAL 20:1

Inumon ra mampagauk mambaal ra ulun magauk am mambutok. Sasambungon noyo ulun manginum saboi magauk.

GALATIA 5:21

Am mangkinibit poyo ra mangusolon, magauk, rumamai ra jajajou am mansalinut poyo. Pinakara' ku ramuyun raino mogondo' ra aku nampakara' noyo ramuyun ragili; ulun ondo' makapaliso koson raginio kalo makaliman ra Pamarintaan ri Aki Kapuuno'.

1 KORINTUS 6:10

ondo' mantakou, makalit, gagaukon, manimbaal ra ragu ra ulun bokon, am poyo ulun mampagaau – ngaangai' ulun raginio kalo masauk ra ulun ri Aki Kapuuno'.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

JISAYA 28:1

Aibui boo ra pamarintaan ru Israil! Kinoonsoi nano malaut koson ra sampungu busak ondo' liminonot giu' ra rasawat ru ulu ru ngaangai' tingganai nano ondo' nangagauk. Aibui boo ra bandar ondo' masawat kaga' giu' ra tatanga' ru limayak malabung, kasagain kaga' ru ulun ondo' nakalangan ra nagauk am kalo boo makatutun.

ABAKUK 2:15

Aibui boo ramuyun sabap ra nabaya' ra sangit akau nagasab am nanauyu' ra sambalayan-sambalayan min; mangkinibit kau risilo kakasiling koson ra ulun magauk.

AMSAL 23:32

Susuab no malimanan min koson ra tininduk ru kukuo mabisa'.

1 SAMUIL 25:36

Paat ri Abigail minuli' ri Nabal, mokoondo' bunsag maayo giu' ra baloi nano, koson ra bunsag ru raja'. Sabap ra nagauk i Nabal am maansukan, kalo nambala' i Abigail ra atan pana riso saboi ra suabon no.

2 SAMUIL 19:35

Balu' ngoopor ngambilor aku noyo am kolondo' boo mangani' ra kasagaan raki'. Kalo boo makasia' aku ra atan ondo' akanon kapoam inumon kuno, am kalo boo mokorongog ra bolos ru ulun marimbai. Aku ti masauk ayuk ra kapaganan rirun.

JISAYA 22:13

Kaa' sala' boo maansukan kau am maantak. Nanimbalui kau ra domba am sapi', mangakan ra kual, am manginum ra wain, liliwa' mindagu, “Ibok pangakan am panginum takau sabap susuab no matoi takano.”

JISAYA 24:9

Kolondo' boo ulun manginum ra wain liliwa' marimbai; kolondo' boo ulun sumia' ra kinaamis ru inumon mapangit.

JISAYA 28:3

Pangurumatan ra tingganai-tingganai ondo' nagauk no kikinjangin.

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

ABAKUK 2:5

Kalangkayaan mamparuung ra ulun. Ulun ondo' mangingkaut no minsawat guang am magalabo. Koson ra kapatayan, ilo niayuk kalo igondo' kajala'. Ginio sabap ra ilo manguasa' ra bansa' am ra bansa' ra bokon.