JISAYA 48:8 - Tanou Moonsoi Timugon

⁸ Makapandai Aku ra akau no kalo malansanan, nauligan kau ra maanggal-anggal. Ginio ra akau kalo makapandai no, am kalo sambangis pana ragu makasuku' ra talingo mino.

JISAYA 48:8 ပူးပေါင်းရင်းမြစ်များ

MAZMUR 40:6

Nansalinut binaal Muno ramon, iou Tuhan, i Aki Kapuuno' kuno, kolondo' pogondo' Muno! Masuang inatangan ra moonsoi binaal Muno ramon, ngaangai' no kalo lair maalap ku katunung.

MAZMUR 51:5

Iowon ku nasalaan kuno; masalok ku matutunan tula kuno.

MAZMUR 58:3

Kalo! Malaat ayuk karaan mino, am ra pagun ti masaga' kau mambaal ra kalaatan.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JISAYA 46:8

Karaa' noyo baal ragitio, akau ulun makatula; karaa' noyo nansalinut ondo' binaal Kuno.

JISAYA 47:11

Kaa' malumpa' kou ru karaat, ilimu' ru sihir muno kalo mokopongompong. Patayan sangkuliop ayuk matong, patayan ondo' kalo maguang muno.

JISAYA 48:4

Makapandai aku ra akau bambalingatan, mokotog guang am makaulu batu.

JISAYA 48:7

Ragino ayuk ra Aku mambaal raginio, kalo poyo igondo' Aku pokorongog ra baal raginio, maa' raginio kalo makaindagu kau ra nakapandai kano ra ngaangai' no.

JISAYA 50:5

Tuhan mapaarati' raki'; kalo manggal aku kapoam mugar intor Riso.

JISAYA 57:4

Osoi kia kulion mino? Akau ulun maabau-abau, osoi kia kakuritan mino?

JIRIMIA 3:20

Kaa' koson ra andu' ondo' kalo gumagaya', okou pana kalo gumagaya' Raki'. Aku, Tuhan nakaindagu noyo.”

JIRIMIA 5:11

Mamagun ru Israil am Jiuda totopot nanumbalik Raki'. Aku, Tuhan nakaindagu noyo.”

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

JIRIMIA 6:10

Taam aku, “Osoi kia rumongog amon ru pakaraan ku ilo? Mokotog guang nilo am marara' rumongog ra tanou Muno; kuritin nilo tanou Muno ondo' pinasaboi kuno.

GOSIA 5:7

Kalo gumagaya' ilo ra Tuhan; anak-anak nilo sala' ka anak-anak Nano. Ginio ra, kalo boo mabuoi ilo am tana' nilo pusoon.

GOSIA 6:7

Kaa' pakaayan kau ayuk ra tana' giu' ra Adam, liminungkang kau ra nabantuan Kuli ramuyun.

GOSIA 7:9

Kalo nakaliman ilo ra binaal ragitio nampalawo risilo. Pupus ru bayag nilo mamaar noyo, kaa' kalo nakapandai ilo.

MALIAKI 2:11

Mamagun ru Jiuda minanggal ra bantu' nilo ri Aki Kapuuno' am niayuk nambaal ra baal-baal ondo' makalalaa' giu' ra Jirusalim am giu' ra titikop pagun. Jinamalan nilo noyo Baloi ru Tuhan ondo' tagamin ru Tuhan. Ungkuyon nagandu' noyo ra ruandu' ondo' siminamba ra dewa-dewa ru bansa' ra bokon.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

SAGULION 31:18

Paat raginio kalo boo masaga' Aku mangindangan risilo, sabap nambaal ilo noyo ra malaat am siminamba ra tuhan-tuhan ra bokon.