JISAYA 48:6 - Tanou Moonsoi Timugon

⁶ Nansalinut panalaan Kuno nasauk noyo ragino, musiti' no iowon min ra panalaan Kuno motopot. Ragino manala' Aku ra baal-baal nakabagu, inopot-inopot ra kalo poyo napandayan min.

JISAYA 48:6 ပူးပေါင်းရင်းမြစ်များ

MAZMUR 107:43

Gama' ru ulun mapintar mangkara' ra baal raginio, gama' ru karaan nilo togom ru Tuhan.

MAZMUR 119:13

Tunungon ku ngaangai' ukum ra pinataak Muli.

JISAYA 21:10

Alii ra bansa' kuno Israil, pinanjak-panjak kou koson ra gandum. Kaa' ragino balain takamin ra tanou moonsoi ondo' norongog kuno intor ra Tuhan Ondo' Maayo Kaga' Kuasa', i Aki Kapuuno' ru Israil.

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JISAYA 42:9

Ragino atan ondo' panalaan kuli nasauk noyo; Balain takamin ragino babaal nakabagu ra kalo poyo masauk ngaangai' no.”

JISAYA 43:19

Guango' noyo baal makabagu ondo' baalon Ku mataki'. Ilai' noyo, pinatalimpuun Ku noyo. Mambaal Aku ra ralan giu' ra tana' kaagisan, am manaak ramuyun ra sungoi-sungoi boborok giu' ra agis limayak.

JISAYA 48:7

Ragino ayuk ra Aku mambaal raginio, kalo poyo igondo' Aku pokorongog ra baal raginio, maa' raginio kalo makaindagu kau ra nakapandai kano ra ngaangai' no.

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

JIRIMIA 50:2

“Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

MIKA 6:9

Mapintar noyo ulun ondo' malaa' ra Tuhan. Mampiau Tuhan ra mamagun ru bandar, “Rongogo' noyo, akau ondo' timinimung ra bandar.

MATIUS 10:27

Atan ondo' rinagu Kuno ramuyun ra molondom, musiti' no raguon min poyo sagulio' ra orou matawang. Atan ondo' norongog min ra kinonos ayuk, pabalaa' min noyo ra ati-ati ayuk.

JUANIS 15:15

Kalo boo sabiton takamin ra ulipon, sabap ra ulipon kalo makapandai ra ngaangai' ondo' baalon ru tuan nano. Kaa' sabiton takamin ra rangan Kuno, sabap ra ngaangai' ondo' norongog Kuno intor ri Ama', pinabala' Ku noyo ramuyun.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

PINAINTALANG 1:19

Ginio nai ra tulisi' noyo baal ondo' makito muno, baal soroi ra raino ti am baal masauk ra maagu no.

PINAINTALANG 4:1

Kopongo raginio, pakitono' aku poyo. Ilai' ku naukab rondo' kulobon giu' ra suruga' no. Am naining ku bolos koson ra bujung, ondo' minindagu raki' ra talimpuun i, kono, “Pagaloi. Tuluin tokou atan ondo' inaru' masauk malupus ragitio.”