JISAYA 48:5 - Tanou Moonsoi Timugon

⁵ Ginio ra intor ra galing i Aku minindagu intor ra orou matong mino, pabalaan Ku baal ondo' kalo poyo nasauk; maa' raginio kalo makaindagu kau ra baal raginio binaal ru sinungkalalaing sambaan mino.

JISAYA 48:5 ပူးပေါင်းရင်းမြစ်များ

JISAYA 43:19

Guango' noyo baal makabagu ondo' baalon Ku mataki'. Ilai' noyo, pinatalimpuun Ku noyo. Mambaal Aku ra ralan giu' ra tana' kaagisan, am manaak ramuyun ra sungoi-sungoi boborok giu' ra agis limayak.

JISAYA 44:7

Osoi kia makapambaal ra atan ondo' binaal Kuno? Osoi kia makapanala' ra atan poyo masauk intor ra talimpuun saboi mapupus orou?

JISAYA 44:8

Pai' noyo kalaa', akau ulun Kuno! Nakapandai kano intor ra galing suku' ragino nanala' Aku no ra nansalinut kasaukan no; akau noyo sasi'-sasi' Kuno. Suai Raki', kolondo' bokon, am kolondo' manindung ra bokon ondo' kalo poyo napandayan Kuno.”

JISAYA 45:20

Mindagu Tuhan, “Timung kano am pababaya' kano matong, akau noyo naayag ra ralalom ru nasuangan bansa'! Sasambungon noyo ulun-ulun ondo' saguguluyur mugar magibit ra sinungkalalaing ondo' binaal intor ra tataun, am makiasi' ra dewa-dewa no ondo' kalo makapamayag no.

JISAYA 46:10

Intor ra talimpuun pabalaan Ku baal ra orou matong, intor ra galing i maguang Ku atan kasaukan. Ragu Ku: Pamatasan Kuno maaru' masauk, kasagaan Kuno musiti' Ku baalon!

JISAYA 48:3

Indagu Tuhan ra ulun ru Israil, “Intor poyo ra galing i Aku nambala' intor ra baal ondo' masauk, am pulaliin Ku mambaal raginio.

LUKAS 1:70

Sumugut ra nabi-nabi ondo' pinili' Nano ra galing i, nangani' Tuhan ra bantu' Nano

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”