JISAYA 48:2 - Tanou Moonsoi Timugon

² Kaa' mangiou am maansukan kau ra akau namagun ra bandar ondo' mapasau, am akau sumingkayut ayuk ri Aki Kapuuno' ru Israil, ondo' sabiton ra Tuhan Ondo' Maayo Kaga' Kuasa'.

JISAYA 48:2 ပူးပေါင်းရင်းမြစ်များ

NIGIMIA 11:1

Tingganai-tingganai ondo' namagun giu' ra Jirusalim, am mamagun ondo' musiti' mangundi' koson mampili' ra sambaloi intor ra moonong mopor sasambaloi. Ilo ondo' mapili' musiti' mayan giu' ra Jirusalim bandar ondo' mapasau no, liliwa' ondo' kalo mapili' mayan giu' ra bandar-bandar am ngaangai' pekan ra bokon.

NIGIMIA 11:18

Ngaangai' ru suang nilo 248 ngaulun ru Liwi ondo' mayan giu' ra Jirusalim, bandar mapasau no.

MAZMUR 48:1

Mazmur ru bansa' ri Kora.

MAZMUR 87:3

Rongogo' noyo, okou bandar ri Aki Kapuuno', Baal-baal ra moonsoi ondo' sinabit Nano ra koson rirun:

JISAYA 10:20

Masaboi niayuk bulintok amon ulun ru Israil ondo' naayag kalo boo lumansan ra bansa' ondo' itik poyo mamuso risilo. Topot-topot ilo malansan ra Tuhan, i Aki Kapuuno' ru Israil, i Aki Kapuuno' ondo' matulai.

JISAYA 47:4

I Aki Kapuuno' ru Israil, i Aki Kapuuno' ondo' matulai, mapalabus ritakau, inggalan Nano Tuhan Ondo' Maayo Kaga' Kuasa'.

JISAYA 51:13

Makalilian kau kia ra Tuhan Namangun ramuyun ondo' namingkal ra limbowon am napabanta' lonor ru tana'? Kua monsongorou kau malaa' ra gabu' ru ulun mangimbolo' ramuyun ondo' nakatampos mamuso? Sotopot no, gabu' nilono kalo makasaboi ramuyun.

JISAYA 51:15

Sabap ra Aku noyo Tuhan, i Aki Kapuuno' mino, ondo' nanguyau ra raat saboi kinulun nano makanginoos. Tuhan Ondo' Maayo Kaga' Kuasa' iono inggalan Kuno.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 21:2

“Pakitulu' no intor ra Tuhan koson ritakau, sabap ra Raja' Nibukadnijar intor ra Babilonia nabaya' ra pulalai nano, tatanga' magawang ra bandar takau. Maaru' lair Tuhan mambaal ra kaimuagan koson ritakau, am mampajajal ra Raja' Nibukadnijar lumugut.”

JIRIMIA 44:26

Kaa' raino rongogo' atan ondo' raguon Kuno rirun, ngaangai' kau ulun ru Israil ondo' minayan ra Misir: Aku, Tuhan nagibot ralalom inggalan Kuno ondo' matulai ra topot-topot kalo mangiou Aku ramuyun mamakai ra inggalan Kuno paat ra akau magibot. Kalo paindaguon kau, ‘Magibot aku ralalom inggalan ru Tuhan Raja' ondo' maayag!’

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

MATIUS 27:53

Ingkual ilo intor ra lobong-lobong am kalupus i Jisus binayag saguli', ongoi ilo ra Jirusalim am giu' no masuang ulun nakakito risilo.

MATIUS 4:5

Tingganai ru riwato no pana nagibit boo ri Jisus giu' ra bandar Jirusalim, suku' ra tampak ru Baloi Tuhan,

ROMA 2:17

Raino ati kulaan ramuyun? Kamin, “Akai ulun ru Jaudi.” Lumansan kau ra Ukum ri Musa am lumimbau ra akau ulun ri Aki Kapuuno'.

PINAINTALANG 11:2

Kaa' pai' tukuo' liliut ru Baloi Tuhan no, sabap ra tayar raginio tinaakan noyo ra ulun-ulun sala' ka Jaudi. Kikinjangin nilo Bandar Mapasau no buoi apat ngoopor am ruo ngambulan.

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.

PINAINTALANG 22:19

Amon ru osoi ayuk mangiruru' ra bala' ondo' tinulisan ra kitab ragitio; iruon niayuk ri Aki Kapuuno' tayar nano intor ra kawa' ru puun ru mampakaayag am intor ra Bandar Matulai no, ondo' pinabala' ralalom kitab ragitio.

TINGGANAI RU BANSA' 17:13

Kon ri Mika, “Raino nakapandai aku ra Tuhan mambaal ra moonsoi raki', sabap ra mokoondo' aku ra sangulun Liwi koson ra imam.”