JISAYA 48:12 - Tanou Moonsoi Timugon

¹² Tuhan mindagu, “Rongogo' noyo, akau Israil, ulun ondo' piniau Kuno. Aku noyo i Aki Kapuuno', rondo'-rondo' ayuk i Aki Kapuuno', ondo' kasaa' am pamupusan!

JISAYA 48:12 ပူးပေါင်းရင်းမြစ်များ

JISAYA 41:4

Osoi kia nambaal ra baal koson raginio? Osoi kia nangaru' ra sejarah? Aku, Tuhan ondo' nakapagulu, am Aku soroi saboi ra pamupusan.

PINAINTALANG 22:13

Aku noyo talimpuun am pupus; Aku noyo kasaa' am pangayaan.”

PINAINTALANG 1:8

“Aku noyo talimpuun am Aku noyo pupus,” ragu ru Tuhan, i Aki Kapuuno' Ondo' Maayo Kaga' Kuasa', ondo' soroi raino, galing i am pupus no pana.

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 43:11

“Aku ayuk Tuhan, Aku ayuk makapamayag ramuyun.

JISAYA 49:1

Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 2:8

“Tulisi' koson ragitio ra malaikat ru pasimpungan ulun Kristian ra bandar Simirna: Gitio noyo bilin intor Riso ondo' talimpuun am pupus, ondo' minatoi am naayag saguli'.

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 KORINTUS 1:24

Tanou raginio ralan ri Aki Kapuuno' mampakito ra kuasa' am kapintaran Nano risilo ondo' mangintopot Riso – iou pana ulun ru Jaudi kapoam sala' ka Jaudi.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

ROMA 1:6

Akau pana ondo' soroi ra Roma piniau niayuk ri Aki Kapuuno' masauk ra ulun mangintopot ri Jisus Kristus.

MATIUS 20:16

Indagu boo poyo i Jisus, “Koson niayuk ra ulun ondo' kalo maatang, masauk ilo ra maatang: am ulun ondo' maatang masauk ilo ra kalo maatang.”

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

JISAYA 51:4

“Rongogo' noyo bolos Kuno, akau bansa' Kuno, Rongogo' noyo ragu-ragu Kuno, akau ulun Kuno. Mangila' Aku ra bansa'-bansa', ngaangai' ukum Kuno manaak risilo ra sinda.

JISAYA 51:1

Tuhan mindagu, “Rongogo' Aku no, akau ondo' masaga' bayagon am ratong kano Raki' makiindangan. Karaan noyo gunung batu intor min natulisan, am pangkalian ra batu intor min nakali.

JISAYA 34:1

Ratong kau, akau ngaangai' bansa'! Timung kano am rongog kano! Titikop ru tana' am moonong ulun minayan no musiti' rumatong am mangkirongog.

AMSAL 8:32

Raino, rongogo' min aku, alii ra ulun mamulok! Gagayaa' min nanuluan kuli, akau pana makakaansayan.

AMSAL 7:24

Ginio ra, alii ra anak kau, rongogo' aku no am karaa' min bilin kuli.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JISAYA 43:10

“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.

JISAYA 46:4

Aku magulayun i Aki Kapuuno' min saboi akau matutuo; am magulayun magalung ramuyun saboi akau makauan. Aku napasauk ramuyun am magulayun magalung ramuyun, indanganon am bayagon Takamin.

JISAYA 44:1

Indagu Tuhan, “Rongogo' noyo, akau ulipon Kuno Israil, akau ulun pinili' Kuno, papag ri Jakub.