JISAYA 48:1 - Tanou Moonsoi Timugon

¹ Rongogo' noyo baal ragitio, akau ulun ru Israil, papag ri Jiuda, nampator kau ralalom inggalan ru Tuhan am mangiou sumamba ri Aki Kapuuno' ru Israil, kaa' ragu-ragu mino kalo motopot.

JISAYA 48:1 ပူးပေါင်းရင်းမြစ်များ

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

KASAUKAN 35:10

Indagu i Aki Kapuuno' riso, “Inggalan muno i Jakub, kaa' intor raino piawon kou ri Israil.” Ginio ra inggalani' io ri Aki Kapuuno' ri Israil.

2 RAJA'-RAJA' 17:34

Saboi raino lakat poyo maya' ilo ra kaulayan lair nilono. Kalo sumamba ilo ra Tuhan kapoam gumagaya' ra ukum am susuban ondo' tinaakan Nano ra papag ri Jakub, ondo' ininggalanan Nano ri Israil.

2 RAJA'-RAJA' 5:20

i Gigaji, ulipon ri Ilisa mindagu ralalom ru guang, “Kua paugaro' ri Ilisa no i Naaman ra kalo nambayar kasanganu pana? Musiti' io mangapu ra pinataak ru ulun ru Siria no. Ralalom inggalan ru Tuhan ondo' maayag, ilowon ku ulun ru Siria no am makitaak sanganu intor riso.”

MAZMUR 63:11

potoyon ilo bulintok ra mangayou, am baangkai nilono akanon ru taani.

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

MAZMUR 68:26

Ulun maririmbai mugar pagulu am ulun mangkuli ra miujik tumauli, am ralaa mangasas ra tamburing mangkilolot risilo.

MAZMUR 68:27

“Omporo' noyo i Aki Kapuuno' ondo' minunor ra ulun Nano; akau ngaangai' papag ri Jakub, omporo' min Tuhan!”

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

AMSAL 5:16

Kolondo' onong maguyum ra kaansukan ra ulun ondo' sala' ka andu' muno.

JISAYA 26:13

Iou Tuhan, i Aki kapuuno' mai, nakaili' akai kinuasa' ru ulun bokon, kaa' Okou ayuk Tuhan mai.

JISAYA 44:5

“Moonong ulun mindagu, ‘Aku ti longgom ru Tuhan.’ Mararatok ilo ra ulun ru Israil. Moonong ulun tulisin nilo longon nano; Longgom ru Tuhan, am niayuk ilo galama' manabit ra inan nilo koson ra ulun ri Aki Kapuuno'.”

JISAYA 45:23

Bantu' Kuno motopot, am kalo masulang. Aku galama' mipapator ralalom ru inggalan Kuno: Moonong ulun migulatur ra saang Kuno, am ralalom ragu nilo sigagama' mambaal ra bantu' koson gumagaya' Raki'.

JISAYA 46:12

Rongogo' Aku no, akau ulun-ulun bambalingatan, indoson min kamanangan maalur poyo.

JISAYA 51:1

Tuhan mindagu, “Rongogo' Aku no, akau ondo' masaga' bayagon am ratong kano Raki' makiindangan. Karaan noyo gunung batu intor min natulisan, am pangkalian ra batu intor min nakali.

JISAYA 51:2

Karaa' noyo kinamatuaan min, i Abragam am i Sara ondo' naganak ramuyun. Paat ra Aku nampiau ri Abragam, kolondo' anak nano, nambarakat Aku riso am nangani' riso ra papag ondo' masuang kaga'.

JISAYA 58:2

Moonong orou ilo sumamba Raki', am makibala' ilo ra atan kasagaan Kuno, koson ayuk ilo no mambaal ra moonsoi, am gumagaya' ra ukum Kuno. Mindagu ilo ra matasu' ilo sumamba Raki' am kitaakon nilo ukum Kuno ondo' matimpok.”

JISAYA 62:8

Tuhan nambantu' am nampator, am suguton ginio maya' ra kuasa' Nano. “Gandum mino kalo boo akanon ru pantula' mino, am wain binaal min intor ra kapaganan mino, kalo boo inumon ru ulun bansa' suai.

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JISAYA 65:16

Osoi-osoi ondo' mayan ra pagun raginio, am ondo' makibarakat makitaak ra barakat ri Aki Kapuuno' ondo' mampagagaya'. Osoi-osoi magibot, magibot ilo ralalom ru inggalan ri Aki Kapuuno' ondo' mampagagaya'. Sabap no kaimbalaan ra galing i natatak am linilianan.”

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 44:26

Kaa' raino rongogo' atan ondo' raguon Kuno rirun, ngaangai' kau ulun ru Israil ondo' minayan ra Misir: Aku, Tuhan nagibot ralalom inggalan Kuno ondo' matulai ra topot-topot kalo mangiou Aku ramuyun mamakai ra inggalan Kuno paat ra akau magibot. Kalo paindaguon kau, ‘Magibot aku ralalom inggalan ru Tuhan Raja' ondo' maayag!’

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

IMAMAT 19:12

“Pai' pabantu' ralalom inggalan Kuno amon ru makaguang kau kalo manugut ra bantu' no. Baal raginio magasab ra inggalan Kuno. Aku noyo Tuhan i Aki Kapuuno' min.

MIKA 2:7

Guang min kia' ra Israil ti inulas? Kalo kia' mokoorot Tuhan? Topot kia' mambaal Io ra baal koson raginio? Sala' ka kia mindagu Io ra molomoi ra ulun ondo' mambaal ra motopot?”

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

JAKARIA 5:3

Kopongo raginio indagu io raki', “Giu' ra naskhah rinulun no mokoondo' tinulisan pagulasan ra titikop ru pagun ti. Giu' ra rondo' tayar ru naskhah rinulun no mokoondo' tinulisan ra moonong mantatakou patirin intor ra pagun ti, am giu' ra tayar ru sapapa' ru naskhah rinulun no mokoondo' tinulisan ra moonong ulun ondo' nagibot ra kalo motopot patirin niayuk.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

UNTABAN 24:7

Makaalap ilo ra timug ru rasam ra luluab, am mantanom ra sampug giu' ra umo ondo' maukop ra timug. Raja' nilono maayo poyo intor ra Raja' Agag, am pamarintaan nano kalangkaan.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

JUANIS 4:24

I Aki Kapuuno' no Ambiluo am ra indangan ayuk ru Ambiluo ri Aki Kapuuno' no ulun makasamba ri Aki Kapuuno' ondo' motopot.”

ROMA 2:17

Raino ati kulaan ramuyun? Kamin, “Akai ulun ru Jaudi.” Lumansan kau ra Ukum ri Musa am lumimbau ra akau ulun ri Aki Kapuuno'.

ROMA 9:6

Kalo mindagu aku ra bantu' ri Aki Kapuuno' i kalo nasugut. Kaa' sala' ka ngaangai' bansa' ru Israil pinili' ri Aki Kapuuno',

ROMA 9:8

Arati' no, sala' ka ngaangai' papag ri Abragam no sabiton anak ri Aki Kapuuno', kaa' ilo ayuk ondo' inanak maya' ra bantu' Nali.

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 33:28

Ginio ra papag ri Jakub maayag ra mamimio; makakaansayan ilo giu' ra tana' ondo' napanu' ra wain am gandum; am basaan tana' no ru bolobou intor ra limbowon.

SAGULION 5:28

“Paat ra norongog ru Tuhan ragu mino, indagu Io raki', ‘Norongog Ku noyo atan rinagu ru ulun ragitio, am ragu-ragu nilono motopot.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

1 TIMOTIUS 4:2

Pangilaan raginio posoboyon ru ulun maabau-abau, ondo' kalo makaliman ra makatula sabap ra kolondo' boo bolos ru guang nilai.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.