JISAYA 47:8 - Tanou Moonsoi Timugon

⁸ Rongogo' Aku no, okou ondo' masaga' mangilou ra katasuan! Indoson mu kaayagan muno moonsoi, am kolondo' koson rirun. Indoson mu kalo masauk kou ra mapuor, kapoam mailusan ra anak-anak muno.

JISAYA 47:8 ပူးပေါင်းရင်းမြစ်များ

JIPANYA 2:15

Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

JISAYA 32:9

Rongogo' noyo, akau ruandu' ondo' maayag ra matasu', nakalabus intor ra pagalabaan.

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JISAYA 47:10

Malimanan muno moonsoi ralalom ru kalaatan muno; indoson muno kolondo' sangulun pana makapandai. Kapintaran am kaintutunan muno mapalayau rirun. Indoson muno kolondo' mokogondo' rirun.

JISAYA 45:6

Gini noyo binaal Kuni maa' raginio intor ra sirangon saboi ra kalasaan ngaangai' ulun makapandai ra Aku noyo Tuhan; kolondo' bokon ondo' ayuk am Aku.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

NAGUM 1:10

Akau magauk solobon koson ra rami ondo' mapua', koson ra bulungkut makaruui ondo' nanririlit.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 5:30

Paat rondom raginio niayuk Raja' Bilsyajar, raja' ru Babilonia pinatoi.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

DANIL 4:22

“Iou raja' kuno, okou no puun tataun ondo' masawat am maikang no. Kinaayo muno gumaai saboi ra limbowon, am kuasa' muno lumangka' ra titikop ru tana'.

JIRIMIA 51:53

Kabalu' pana Babil nakaaloi ra limbowon am nambaal ra rondo' kubu ondo' maikang ra giu' no, lakat Aku poyo manusub ra ulun mamuso riso. Aku, Tuhan, nakaindagu noyo.”

JISAYA 45:18

Tuhan noyo namangun ra limbowon, Io noyo i Aki Kapuuno'! Io noyo namangun am nambaal ra tana' ti, am tana' ti masauk ra mokotog. Kalo polosoon no intok raginio masiluk, kaa' intok raginio ayanin. Io noyo minindagu, “Aku noyo Tuhan, am kolondo' bokon.

TINGGANAI RU BANSA' 18:27

Kaalap noyo ru ulun ru bansa' ru Dan ra imam am kuliamos ru sambayang binaal ri Mika no, minongoi ilo bulunsar ra Lais, bandar ru ulun ondo' mamimio am moonsoi. (Bandar no giu' ra Pipit ondo' nogondo' ra bandar Bit-Rigob.) Ulun ru bansa' ru Dan namatoi ra ngaangai' mamagun no am nonolob ra bandar no. Kolondo' sangulun pana ondo' namayag ra mamagun ru bandar no, sabap ra Lais maalur intor ra Sidon am ilo kolondo' pabukatan ra osoi pana. Ulun ru bansa' ru Dan pana nambaal saguli' ra bandar no, am ayan ilo ra giu' no.

TINGGANAI RU BANSA' 18:7

Kopongo raginio naparayus kalimo-limo ngaulun no ra pangkiralanan minongoi ra bandar Lais. Nakito nilo ra kaayagan ru ulun ra giu' no mamimio koson ra kaayagan ru ulun ru Sidon. Mamagun ru Lais maayag ra mamimio am moonsoi, am kalo nantutula' ra osoi pana; mokoondo' ilo ra ngaangai' pakuan. Minayan ilo maalur intor ra ulun ru Sidon am kalo makapabukatan ra bansa' ru ati pana.

JISAYA 14:14

Gumogot kou magaloi ra bujuk ra gaun am masauk koson ra Io Ondo' Maayo Kaga' Kuasa'.

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JISAYA 45:5

“Aku noyo Tuhan; kolondo' bokon. Aniin Tokou ra kaikangan ondo' kasagaan Kuno, kabalu' pana okou kalo makaulig Raki'.

JIRIMIA 49:31

‘Ibok no bulunsaro' takau ulun ondo' mamimio am maayag ra moonsoi! Bandar nilo kalo noyo sinindungan sabap ra kolondo' kulobon garabang kapoam pinangalor ra kulobon no.’

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

YEHEZKIEL 30:9

“Paat ra orou raginio, paat ra Misir napuso, atarin Ku ulun ra kapal-kapal koson mampatigog ra Itiopia ondo' kalo manantam no saboi ilo malaa'. Orou raginio mamaar noyo!”

DANIL 4:4

“Maayag aku ra moonsoi ra istana kuno, am makasia' ra kalangkayaan.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

NAGUM 3:4

Niniwi mantalan ra inan no aniin ra ukuman. Kinantalur nano mamunduk kaga' ra guang. Masuang bansa' nasinggayawan riso, am nampasauk risilo ra ulipon nano.

ABAKUK 1:7

Mapasingkual ilo ra kalaanan giu' ra ngaangai' intok. Malilimbau ilo kaga' saboi mangkara' ra ngaangai' binaal nilo motopot am iowon ralalom ru undang-undang.