JISAYA 47:6 - Tanou Moonsoi Timugon

⁶ Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JISAYA 47:6 ပူးပေါင်းရင်းမြစ်များ

JAKARIA 1:15

Kaa' siminangit Aku kaga' ra bansa'-bansa' ondo' makaliman ra moonsoi am mamimio. Paat ra Aku nongorot ra sangit Kuno ra ulun Kuno, bansa'-bansa' no namparuang ra kaimbalaan ru ulun Kuno.

2 TUNUNG RU BANSA' ISRAIL 28:9

Sangulun nabi ru Tuhan ininggalanan ri Odid minayan giu' ra bandar Samaria. Nakauma' io ra saujor ru Israil ondo' siminaguli' nagibit ra ulun rinakop intor ra Jiuda. Paat ra saujor-saujor sumubol ra bandar, kon ri Odid risilo, “Tuhan, i Aki Kapuuno' ru kinamatuaan min, siminangit ra mamagun ru Jiuda. Ginio boo ra nompoloso io ramuyun nangala risilo. Kaa' nokorongog Io noyo ra mapara' laat min namatoi risilo.

SAGULION 28:50

Malaat ilo am kalo makaasi' ra osoi pana, iou ra ulun matutuo am ra lalaing-lalaing.

OBAJA 1:10

“Nantakou kau am namatoi ra pabukat min, papag ri Jakub. Ginio ra pusoon kau am asabin ru ulun ra kolondo' pupus.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

MAZMUR 69:26

Polosoon noyo pangkiman nilono masiluk, polosoon noyo ngaangai' minayan ra kim no mapuso.

OBAJA 1:16

Giu' ra rasawat ru bulur Kuno ondo' matulai, ulun Kuno nanginum noyo intor ra sangkir ru inumon mapait ondo' tatandu' ru ukuman nilo. Kaa' ngaangai' bansa' ra sambalayan manginum intor ra sangkir ru inumon ondo' mapait poyo kaga'. Musiti' nilo inumon ginio saboi makai', am maluus ilo ra kolondo' babaya'.”

JISAYA 14:17

Gitio kia ondo' namuso ra bandar-bandar am mangulau ra tana' ti nasauk ra limayak kaagisan? Gitio kia ondo' kalo igondo' papalabus ra ulun rinakop nano kapoam mapalabus risilo muli'?’

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

YEHEZKIEL 28:16

Kumantisuk kou ra talanon muno; baal raginio noyo ondo' nangkinibit rirun liminaat am makatula. Ginio ra pinagiru' Tokou intor ra gunung Kuno ondo' matulai am kirub ondo' magalung rirun nampagiru' rirun intor ra tatanga' ru batu mologo ondo' manguliat no.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

JISAYA 43:28

am imam-imam mino mapajamol ra intok ayanan Kuno. Ginio sabap ra namuso Aku ra Israil, Polosoon Ku ulun Kuno asabin.”

JISAYA 13:16

Makakito ilo ra lalagang nilono lambaan saboi matoi, baloi nilono gaawon, am andu' nilono sowoon.”

2 SAMUIL 24:14

Taam Raja' Daut, “Aku ti magalabo kaga'! Kaa' marara' aku ukumin ru ulun. Polosoon noyo Tuhan no galama' mangukum ritakau, sabap ra maayo makaasi' Nano.”

JISAYA 14:6

ondo' sumangit-sangit nangimbolo' ra bansa'-bansa' am tanduusin nilo mangimbolo' risilo.

JIRIMIA 50:42

Nanampanah am nanangilang ilo; malaat am masangit ilo. Bolos kinurikap ru kuda koson ra raat mangkinulun, paat ra ilo mangura' ra kuda. Nakatampos ilo no mamulunsar ra Babilonia.

SULABOI 1:14

“Inalap No ngaangai' tula kuno, am binangkos no nasauk rondo', am pasisigoto' ra liog kuno, saboi bagat nano nampalawo raki'. Pinataak aku ru Tuhan ra pantula' kuno, am kalo maikang aku gumula' risilo.

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

SULABOI 5:12

Tingganai-tingganai mai rinakop am tinair, ulun matutuo mai kalo boo urumaton.

2 TUNUNG RU BANSA' ISRAIL 10:11

Ragui' ilo, ‘Ama' kuli nangani' ramuyun ra sinaanan ondo' maagat, kaa' aniin takamin ra sinaanan ondo' maagat poyo. Ama' kuli nampalapos ramuyun ra pitol lalapos, kaa' aku mampalapos ramuyun ra pitol lalapos ondo' makaruui ru basi'!’ ”

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

2 TUNUNG RU BANSA' ISRAIL 36:20

Inibit ru Raja' Babilonia ngaangai' ulun ondo' lakat poyo naayag giu' ra bandar no ra Babilonia. Jinajalan ilo nasauk ra inulipon ra raja' am papag nano saboi ra talimpuun ru pamarintaan ru Pirsia.

IJRA 5:12

Kaa' sabap ra kinamatuaan maili napasingkual ra sangit ri Aki Kapuuno', panguasa' giu' ra suruga', nompoloso Io ra kinamatuaan maili kinala ru Raja' Nibukadnijar, papag ri Kasdim, raja' giu' ra Babilonia. Baloi ru Tuhan pinuso am bansa' mai rinakop am inibit ra Babilonia.

SULABOI 4:16

Kalo boo mampalio Tuhan risilo; Io galama' nampatutuliar risilo. Kalo boo ilain No imam-imam kapoam makaasi' ra tingganai-tingganai.

JAKARIA 1:12

Indagu boo malaikat no, “Iou Tuhan Ondo' Maayo Kaga' Kuasa', siminangit Kou ra Jirusalim am bandar-bandar giu' ra Jiuda buoi tulu' ngoopor ngambilor. Saboi sanggilan kia Okou magulayun sumangit am kalo mangampun risilo?”