JISAYA 45:9 - Tanou Moonsoi Timugon

⁹ Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

JISAYA 45:9 ပူးပေါင်းရင်းမြစ်များ

AYUP 10:9

Karaa' noyo, Okou namangun raki' intor ra tana' lia'; masaga' Kou kia mangumok raki' saboi masauk saguli' ra kaau?

AYUP 33:13

Kua panguu' kou ri Aki Kapuuno' am mindagu ra kalo igondo' Io taam ra paraguon ru ulun?

AYUP 9:12

Inalap No atan ondo' kasagaan Nano, am kolondo' osoi pana makapanginga' Riso; kolondo' osoi pana baani mangkuot Riso, “Atan baalon Muno?”

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

MAMPATANOU 6:10

Ngaangai' ondo' nasauk inaru' noyo intor ra galing i, am nakapandai takau ra ngaangai' ulun kalo makagula' ra ulun ondo' makakuasa' poyo.

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

JISAYA 29:16

Ngaangai' no pansalulangon nilo. Atan kia ondo' maatang toojo? Ulun manukang ra pagangan kia kapoam tana' bandulan? Makaindagu kia kuliamos ra binaal no ra ulun mambabaal no, ‘Sala' kia ka okou nambaal raki'’? Kapoam makaindagu kia kuliamos no riso, ‘Kalo napandayan mu atan binaal muno’?

JISAYA 45:10

Aibui boo ra ulun mangkuot ra matuo nano, “Kua kia anako' aku koson ragitio?”

JISAYA 64:7

Kolondo' osoi pana makiasi' Rirun. Kolondo' osoi pana minggaar Rirun koson makiindangan. Nansibuni Kou intor ramon, am mopoloso ramon mapuso sabap ra tula mai.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 18:6

“Ulun kau ru Israil, kolondo' kia rokoon min kuasa' Kuno mambaal ramuyun koson ra binaal ru ulun manukang ra pagangan no ra tana' bandulan nano? Koson ra tana' bandulan no ralalom ru kalindu' ru ulun manukang ra pagangan, koon raginio niayuk ramuyun ralalom ru kalindu' Kuno.

JIRIMIA 36:29

Nanusub Tuhan raki' mindagu ra raja', “Sinolob mu noyo naskhah rinulun i, am nangkuot kou kua panulis i Jirimia ra matong raja' ru Babilonia, am mamuso ra pagun ti am mamatoi ra mamagun no am niayuk ngaangai' bibiag ra giu' no.

JIRIMIA 50:24

Okou Babilonia, minanggal kou Raki' am siminulung kou ra jajaling ondo' pinakaang Kuno rirun, kabalu' pana kalo nalimanan mu.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?