JISAYA 45:8 - Tanou Moonsoi Timugon

⁸ Patuunon Ku kamanangan koson ra rasam intor ra limbowon; tana' ti pariukab koson mangapu riso, am tumuu' boo kaluagan am katimpakan, sabap ra Aku, Tuhan, mapasauk ra babaal ragitio.”

JISAYA 45:8 ပူးပေါင်းရင်းမြစ်များ

GOSIA 10:12

Indagu Aku, ‘Ukabo' tana' bagu ra tayar min galama', tiasi' ra sampug ru katimpakan, am kumoso' barakat ondo' inampos ru kinotopot ru togom min Raki'. Nasaboi paat no ra akau sumaguli' Raki', Tuhan min; matong Aku am mampasasar ra barakat ramuyun.’

JISAYA 61:11

Koson ra unor pinatias tumuu' am sumawat, ginio niayuk ra Tuhan Raja' mamayag ra ulun Nano, am ngaangai' bansa' mongompor riso.

MAZMUR 72:6

Gama' ru raja' koson ra rasam rumatu' ra limayak, koson ra timug ru rasam manimug ra umo.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 53:2

Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

MAZMUR 72:3

Gama' ru pagun ragitio lumangkaya', am makaliman ra katimpakan.

IPISUS 4:24

Sauk kano ra ulun nakabagu ondo' saukon mansalu ri Aki Kapuuno', ioginio kaayagan motopot, ondo' mabanis ra pagilangan ri Aki Kapuuno'.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

YEHEZKIEL 34:26

Mambarakat Aku risilo am mangiou risilo maayag ra libung ru bulur Kuno ondo' matulai. Giu' no mambarakat Aku risilo ra rasam bulintok ra ilo makapakuan no.

JIRIMIA 31:22

Saboi sanggilan kau pagantangan, bansa' kau ondo' kalo gumagaya' Raki'? Nambaal Aku kia ra rorondo' ondo' bagu am makaimuag, makaimuag koson ra ruandu' manindung ra ungkuyon.”

JISAYA 66:22

Koson ra limbowon bagu am tana' bagu mantilayun sabap ra kuasa' Kuno, koson raginio niayuk ra papag mino am inggalan mino mantilayun.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

MAZMUR 68:8

Iou Aki Kapuuno', bulintok ra Okou naningganai ra ulun Muno, bulintok ra Okou minugar ra tana' kaagisan,

JISAYA 48:18

Amon ru ilain min ukuman Kuno, makaapu kau ra barakat ondo' kalo maukat-ukat koson ra sungoi ra kalo igondo' kalasak. Kolondo' pupus ru ampos mino koson ra kinulun ru raat ondo' kalo igondo' longgo'.

2 RAJA'-RAJA' 19:25

Kalo poyo kia nokorongog kou ra Aku noyo nangatang ra ngaangai' no intor ra galing i? Raino binaal Ku noyo. Aku no ondo' nangani' rirun ra kuasa' koson mamuso ra bandar-bandar mokoondo' ra kubu saboi nasauk ra tuntur ru batu.

JISAYA 44:24

“Aku noyo Tuhan Mamamayag ramuyun; Aku noyo namangun ramuyun. Aku noyo Tuhan Namangun ra ngaangai' no. Aku galama' namingkal ra limbowon; Aku namangun ra tana' ti ra kolondo' nangindangan.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”