JISAYA 45:3 - Tanou Moonsoi Timugon

³ Aniin Tokou ra kalangkayaan intor ra intok-intok ondo' molondom am nakasibuni; bagu no makapandai kou ra Aku noyo Tuhan, am niayuk i Aki Kapuuno' ru Israil nampiau noyo ra inggalan muno.

JISAYA 45:3 ပူးပေါင်းရင်းမြစ်များ

2 TUNUNG RU BANSA' ISRAIL 6:17

Ginio ra iou Tuhan, i Aki Kapuuno' ru Israil, suguto' noyo ngaangai' ondo' binantu' Muno ra ama' kuli Raja' Daut, ulipon Muli.

IJRA 1:2

“Koon ragitio susuban ru Raja' Koris, raja' ru Pirsia: Tuhan, i Aki Kapuuno' panguasa' giu' ra suruga', nampasauk noyo raki' ra raja' ru titikop ru tana' ti. Nangani' Io raki' ra kandoi koson mambaal ra Baloi tayar Nano giu' ra Jirusalim, giu' ra pagun ru Jiuda.

KAINGKUALAN 33:12

Indagu i Musa ra Tuhan, “Topot ra nanusub Kou raki' maningganai ra ulun ragitilo mongoi ra tana' ondo' binantu' Muno, kaa' kalo nambala' Kou raki' ra osoi susubon Muno maya' raki'. Minindagu Kou ra makaulig Kou raki' ra matanda' am niayuk maansayan raki'.

KAINGKUALAN 33:17

Indagu Tuhan ri Musa, “Baalon Ku koson ra kitaak muno, sabap ra mauligan Tokou ra matanda' am maansayan Aku rirun.”

JISAYA 41:23

Panala' noyo ra baal-baal ondo' masauk ra maagu no, maa' raginio makapandai akai ra akau no topot-topot matulai! Baalo' min atan ondo' moonsoi, kapoam atan ondo' malaat; maa' raginio mangimuag akai am malaa'!

JISAYA 43:1

Akau Israil, ginio noyo ragu ru Tuhan ondo' namangun ramuyun, “Pai' kano kalaa'! Bayagon Takamin. Piniau Takamin ra inggalan mino, akau longgom Kuno.

JISAYA 48:15

Aku noyo minindagu am niayuk nampiau riso; maningganai Aku riso am manaak riso ra ampos.

JISAYA 49:1

Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.

JIRIMIA 41:8

Kaa' mokoondo' mopor ngaulun risilo ondo' minindagu ri Ismail, “Pai' akai potoyo'! Mokoondo' akai ra gandum, barli, umau jaitun, am ruu' ru maningot ondo' binuni giu' ra umo.” Ginio ra pinalabus ilo ri Ismail.

JIRIMIA 50:26

Bulunsaro' noyo pagun no intor ra ngaangai' intok, am musiti' kau sumubol ra ralalom ru ngaangai' intok pambulian ra gandum! Pabujuko' kuliamos ginaau koson ra gandum pinabujuk! Pusoo' pagun no! Pai' tatango' atan pana!

JIRIMIA 50:37

Pusoon noyo ngaangai' kuda am kurita' kuda no! Mapuso noyo saujor ra ginajian no – mapara' piboo lawo nilo! Pusoon noyo kalangkayaan nano; Bayuto' am gaawo' noyo.

JIRIMIA 51:13

Pagun no langkaya' kaga' am sungoi no masuang, kaa' pupus no nasaboi noyo am paat ru bayag nano nakai' noyo.

JIRIMIA 51:53

Kabalu' pana Babil nakaaloi ra limbowon am nambaal ra rondo' kubu ondo' maikang ra giu' no, lakat Aku poyo manusub ra ulun mamuso riso. Aku, Tuhan, nakaindagu noyo.”