JISAYA 43:3 - Tanou Moonsoi Timugon

³ Aku noyo Tuhan, i Aki Kapuuno' min, i Aki Kapuuno' ondo' matulai, ondo' namayag ramuyun. Pataakon Ku Misir koson mamuli' ramuyun; Pataakon Ku Itiopia am Siba koson mapalabus ramuyun.

JISAYA 43:3 ပူးပေါင်းရင်းမြစ်များ

JISAYA 60:16

Bansa'-bansa' am raja'-raja' magalung rirun, koson ra sangulun ina' magalung ra anak nano. Makapandai kou ra Aku, Tuhan, Mamamayag rirun, am ra i Aki Kapuuno' ru Israil, i Aki Kapuuno' Ondo' Maayo Kaga' Kuasa', Mamumuli' rirun.

JISAYA 45:15

Namayag i Aki Kapuuno' ra ulun ru Israil ioginio i Aki Kapuuno' ra nansibuni.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

AMSAL 21:18

Ulun malaat makatutun ra imbolo' pinalumpa' nilo ra ulun moonsoi.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

JUDAS 1:25

Io no i Aki Kapuuno' ondo' namayag ritakau, ralalom inggalan ri Jisus Kristus, Tuhan takau. Io no rorondo' ayuk i Aki Kapuuno', Io no matulai, maatang kaga' am Io no mangnguasa' ra ngaangai' no, intor ra puun i, paat ra raino am suku' ra sabuoi-buoi no. Amin.

GOSIA 13:4

Indagu Tuhan, “Aku noyo Tuhan, i Aki Kapuuno' min ondo' naningganai noyo ramuyun miningkual intor ra Misir. Kolondo' i Aki Kapuuno' min kaa' Aku ayuk. Aku noyo rorondo' mamamayag ramuyun.

JISAYA 30:11

Ongoi ra igig! Pai' akai sawayo'. Kalo masaga' akai mangkirongog intor ri Aki Kapuuno' ru Israil, i Aki Kapuuno' ondo' matulai.”

AMSAL 11:8

Ulun ra kolondo' tula makainggalur ra kapaganan, kaa' ulun malaat mokoowot ra kapaganan.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 20:3

Bulintok ra Asdod pinarinta, mindagu Tuhan, “Jisaya, ulipon Kuno minugar ra nagibabaang am kalo nangkasut buoi talu ngambilor. Tatandu' ragitio koson pulanu masauk giu' ra Misir am Itiopia.

KAINGKUALAN 10:7

Indagu pagawai no ra raja', “Kula' poyo buoi ru ulun no mantipagon ritakau? Polosoon noyo ulun ru Israil no mugar maa' raginio makasambayang ilo ra Tuhan i Aki Kapuuno' nilo. Ilai' noyo, jajajou ayuk boo pagun takau ti!”

KASAUKAN 10:7

Papag ri Kus, iono mamagun ru Siba, Gawila, Sabta, Raima am Sabtikga. Papag ri Raima iono mamagun ru Syiba am Didan.

IMAMAT 11:44

Aku noyo Tuhan i Aki Kapuuno' min; pagilalain min maa' raginio magulayun kau matulai, sabap ra Aku ti matulai.

MAZMUR 72:10

Ngaangai' raja' ru Tarsis am ngaangai' pulu' mapataak riso ra tangguang; ngaangai' raja' ru pagun Syiba am Siba manaak niayuk riso ra tangguang.

JISAYA 19:20

Altar am batu pangkaraan masauk ra tatandu' ratangan ru Tuhan Ondo' Maayo Kaga' Kuasa' giu' ra Misir. Paat ra ulun ru giu' no imboloon, am mampiau ilo ra Tuhan makiindangan, susubon No sangulun mongoi pamayag risilo.

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JISAYA 43:11

“Aku ayuk Tuhan, Aku ayuk makapamayag ramuyun.

JISAYA 45:14

Mindagu Tuhan ri Israil, “Gogoto' min kalangkayaan ru tana' ru Misir am Itiopia, Ulun-ulun ru Siba ondo' mangaikang masauk ra longgom muno; nabangkil ilo am mugar ra talikuron muno. Migulatur ilo am mangiou, ‘I Aki Kapuuno' totopot minunor ramuyun; Io no i Aki Kapuuno' rondo'-rondo' ayuk!

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

JIRIMIA 14:8

Okou no rorondo' kalansanan ru Israil, ondo' namayag ramon intor ra karaat. Kua kia koson Okou ra ulun bansa' ru bokon giu' ra pagun mai, am koson ra ulun lalayau ondo' minapit sorondom am mugar?

JIRIMIA 16:21

Indagu Tuhan, “Ginio ra, raino ti ilaan Ku bansa'-bansa' maa' raginio makapandai ilo ra kuasa' am kaikangan Kuno; ilo pana makapandai ra Aku noyo Tuhan.”

YEHEZKIEL 39:7

Tutunon Ku Israil, ulun Kuno, makaulig ra inggalan Kuno ondo' matulai, am kalo polosoon Ku jamalin inggalan Kuno. Bansa'-bansa' makapandai boo ra Aku noyo Tuhan, i Aki Kapuuno' ru Israil, i Aki Kapuuno' ondo' matulai.”

AMOS 9:7

Indagu Tuhan, “Akau ulun ru Israil, lioon Ku ulun ru Itiopia nogondo' koson ra Aku mampalio ramuyun. Ibiton Ku ulun ru Palistin intor ra Krita am ulun ru Siria intor ra Kir nogondo' koson ra Aku nagibit ramuyun intor ra Misir.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.