JISAYA 42:4 - Tanou Moonsoi Timugon

⁴ Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

JISAYA 42:4 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

JISAYA 40:22

Io no nanguasa' ra titikop ru tana' ti; namagun ru tana' makito boborok koson ra gapu'. Bilaron No limbowon koson ra konoon, am pabingkalon no koson ra kim ayanin.

JISAYA 40:28

Kalo kia nakapandai kou? Kalo poyo kia nokorongog kou? Tuhan iono i Aki Kapuuno' ondo' mantilayun; Io no namangun ra titikop ru tana' ti. Kalo igondo' Io kaagui kapoam boboon. Kolondo' osoi-osoi pana makapandai ra pangkaraan Nano.

JISAYA 41:5

Mamagun ru pagun-pagun ra maalur magilong ra binaal Kuno; naliangan ilo am monontol malaa'. Ginio ra minatong ilo ngai' am tumimung.

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 42:12

Moonsoi ra ulun ondo' minayan ra pagun-pagun maalur mongompor am mapatulai ra Tuhan!

JISAYA 42:21

Masalok Tuhan masaga' mamayag; masaga' Io ra ukuman Nano urumaton am tulayon.

JISAYA 49:1

Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.

JISAYA 51:4

“Rongogo' noyo bolos Kuno, akau bansa' Kuno, Rongogo' noyo ragu-ragu Kuno, akau ulun Kuno. Mangila' Aku ra bansa'-bansa', ngaangai' ukum Kuno manaak risilo ra sinda.

JISAYA 51:5

Pamayagan ondo' pataakon Kuno mamaar noyo, bulintok ra Aku mamanang mamaar noyo rumatong. Aku galama' mamarinta ra bansa'-bansa'. Pagun-pagun ondo' maalur magiginaa Raki' am malansan ra baalon Kuno ondo' makaimuag.

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

JISAYA 60:9

Ginio noyo kapal-kapal ondo' magibit muli' ulun ri Aki Kapuuno' intor ra pagun-pagun maalur. Pirok am mas inibit nilo koson mapatulai ra inggalan ru Tuhan, i Aki Kapuuno' min, i Aki Kapuuno' ru Israil, i Aki Kapuuno' ondo' matulai ondo' nangkinibit ra bansa'-bansa' mangurumat ra ulun Nano.

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

MATIUS 12:21

am ngaangai' bansa' malansan Riso.”

MARKUS 3:3

Indagu i Jisus ra ulun minatoi satata' ra longon no, “Ibok ragiti!”

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

1 KORINTUS 9:21

Mogondo' niayuk ra aku sumimpung ra ulun ondo' sala' ka Jaudi, paliso kuno koson ayuk ra ulun sala' ka Jaudi, maa' raginio makapangkimait aku risilo mangintopot ri Kristus. Arati' nati, sala' ka kalo gumagaya' aku ra susuban ri Aki Kapuuno'; sotopot no sumugut aku ra susuban ri Kristus.