Kalo noyo moonsoi ulipon ru Tuhan no makapaliso makimansangor. Kaa' sotopot no moonsoi masamba io ayuk ra ngaangai' ulun, am sumauk ra mangingila' ra moonsoi ondo' mataan guang.
Pangkuot kukula' ngaulun ru Parisi ri Jisus sanggilan i Aki Kapuuno' matong mamarinta. Taam i Jisus, “Kolondo' tatandu' makito ra pamarintaan ri Aki Kapuuno' no matong.
Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.