JISAYA 42:1 - Tanou Moonsoi Timugon

¹ Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 42:1 ပူးပေါင်းရင်းမြစ်များ

LUKAS 3:22

am Ambiluo ri Aki Kapuuno' koson ra baal ru susuit asang timinuun Riso. Morongog boo bolos ri Aki Kapuuno' mambala', “Okou noyo Anak Kuno ondo' tagamin Kuno, maansayan Aku Rirun.”

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JISAYA 52:13

Indagu Tuhan, “Sotopot no, ulipon Kuno makaampos; omporon io am urumaton.

PILIPI 2:7

Kaa' ngaangai' tinatang No ayuk am siminauk koson ra ulipon am siminauk Io ra ulun, am kaayagan Nali mogondo' ritakau.

JISAYA 43:10

“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

1 PITRUS 2:4

Intor poyo raginio, ibok am ratong kano ra Tuhan. Io ti mogondo' ra batu naayag, ondo' pinatiran noyo ru ulun ra kolondo' onong; kaa' Io no ondo' pinili' ri Aki Kapuuno' ra mokologo toojo.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

JISAYA 41:8

Kaa' akau Israil, ulipon Kuno, akau noyo ulun pinili' Kuno, papag kau ri Abragam, kubayau Kuno.

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

KOLOSI 1:13

Nampalabus Io noyo ritakau intor ra kuasa' ru kalandaman am pinoongoi takau boo ra ralalom ru pamarintaan ru Anak tinagaman Nano.

IPISUS 1:4

Io kalo poyo nabingkal tana' ti, pinili' takano kalalair ri Aki Kapuuno' ralalom ri Jisus Kristus. Maa' raginio mapasau takau ra pagilangan Nano am kolondo' boo makapanguu' ritakau.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”

RINALATAN 28:28

Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

LUKAS 9:35

Kaining nilo bolos intor ra gaun minindagu, “Gitio noyo Anak ondo' pinili' Kutu. Pangkirongog kano Riso!”

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

JISAYA 32:16

Giu' ra titikop pagun mokoondo' ra kabanisan ru guang am katimpakan.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

LUKAS 4:19

Am mambala' ra nasuku' noyo paat ru Tuhan mamayag ra ulun Nano.”

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

JISAYA 41:9

Ibiton Takamin intor ra pompor ru tana'; piniau Takamin intor ra intok-intok ra maalur. Mambala' Aku, ‘Akau ulipon Kuno.’ Kalo inggalarin Takamin, kaa' pilion Takamin.

JISAYA 42:2

Kalo igondo' io golok kapoam mampiau ra ralalom bolos matangil, am bolos nano kalo morongog ra pangkiralanan.

AGAI 2:23

Paat orou raginio, okou Jirubabil, ulipon Kuno, pasaukon Tokou koson mamarinta ralalom ru inggalan Kuno, sabap okou noyo ondo' pinili' Kuno.” Ginio noyo ragu ru Tuhan Ondo' Maayo Kaga' Kuasa'.

MAZMUR 72:4

Gama' ru manungka' raja' ra ulun musikin, mangindangan ra ulun musikin am niayuk mangala ra ulun mangimbolo' risilo.

MAZMUR 89:4

Minindagu Kou, “Nambaal aku ra nabantuan ra ulun ondo' pinili' Kuno; binantu' Ku noyo ri Daut ulipon Kuno:

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 63:1

“Osoi kia io minatong intor ra bandar Bojra giu' ra Idom? Osoi kia io nambayang ra malia' am mugar ra maikang kaga'?” “Io Tuhan ondo' makakuasa' koson mamayag. Io matong koson mapabala' ra kamanangan Nano.”