JISAYA 41:9 - Tanou Moonsoi Timugon

⁹ Ibiton Takamin intor ra pompor ru tana'; piniau Takamin intor ra intok-intok ra maalur. Mambala' Aku, ‘Akau ulipon Kuno.’ Kalo inggalarin Takamin, kaa' pilion Takamin.

JISAYA 41:9 ပူးပေါင်းရင်းမြစ်များ

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.

MAZMUR 94:14

Tuhan kalo manatang ra ulun Nano; kalo impayin No ulun ondo' nasauk ra longgom Nano.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.

LUKAS 13:29

Matong ulun intor ra sirangon, kalasaan, ralayo am rabugus mantulibung ilo pangakan giu' ra Tana' Bagu ri Aki Kapuuno'.

JISAYA 41:8

Kaa' akau Israil, ulipon Kuno, akau noyo ulun pinili' Kuno, papag kau ri Abragam, kubayau Kuno.

JISAYA 41:2

Osoi kia naparatong ra mangnguasa' intor ra sirangon, am napamanang riso ra ati ayuk angayan nano? Osoi kia ondo' nangani' riso ra kamanangan ra raja'-raja' am bansa'-bansa'? Ilang nano monotok risilo, pagilayan risilo onongon ayuk ra kaau. Panah nilono mapatabulias risilo koson ra rami masiob ru angin.

SAGULION 14:2

Akau longgom ru Tuhan i Aki Kapuuno' min; nampili' Io noyo ramuyun sinauk ra ulun Nano galama', intor ra ngaangai' bansa' ondo' minayan ra tana' ti.”

MAZMUR 135:4

Pinili' No i Jakub koson ra inan Nano galama', am ulun ru Israil koson ra longgom Nano galama'.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 44:1

Indagu Tuhan, “Rongogo' noyo, akau ulipon Kuno Israil, akau ulun pinili' Kuno, papag ri Jakub.

JISAYA 45:4

Linantik Tokou koson mangindangan ra ulipon Kuno Israil, ulun ra pinili' Kuno. Inanian Tokou ra pangkat pangurumatan kabalu' pana okou kalo makaulig Raki'.

MALIAKI 1:2

Indagu Tuhan ra ulun Nano, “Magail Aku motogom ramuyun.” Kaa' taam ilo, “Ati kulaan Tuhan motogom ramon?” Taam Tuhan, “I Isau am i Jakub magaka'; motogom Aku ri Jakub am niayuk papag nano,