JISAYA 41:20 - Tanou Moonsoi Timugon

²⁰ Ngaangai' ulun pana magilong riso am makapandai ra Aku, Tuhan, ondo' nambaal no. Urioon nilo am mangarati' ra i Aki Kapuuno' ru Israil, Aki Kapuuno' ondo' matulai nambaal no.”

JISAYA 41:20 ပူးပေါင်းရင်းမြစ်များ

AYUP 12:9

Ngaangai' no makapandai ra i Aki Kapuuno' namangun risilo.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

JISAYA 43:21

Ilo noyo ulun Kuno ondo' sinauk Ku ra longgom Kuno galama'.”

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

2 TISALONIKA 1:10

Paat ra Orou ratangan Nano katulayon Io ru ngaangai' ulun Nano, am urumaton Io ru ngaangai' ulun ondo' mangintopot Riso. Akau pana makasimpung risilo, sabap ra nangintopot kano ra tanou ondo' pinasaboi maili.

MAZMUR 109:27

Moonsoi makapandai pantula' kuno raginio binaal Muno, ra Okou noyo namayag raki'.

JISAYA 66:18

Makapandai Aku ra karaan am binaal nilono. Matong Aku koson manimung ra ngaangai' bansa'. Paat ra ilo makatimung, makakito ilo ra kuasa' Kuno,

UNTABAN 23:23

Kolondo' jampi kapoam ilimu' sihir ondo' makaanggal ra Israil. Mindagu ulun intor ra Israil, ‘Ilai' noyo binaal ri Aki Kapuuno' risilo!’

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JISAYA 29:24

Ulun sasambungon masaga' migigila' am makapandai, am ilo ondo' masalok mambutok-butok matasu' ilaan.”

JISAYA 40:5

Katulayan ru Tuhan pana pabalaan, am moonong ulun makatalinono'. Tuhan galama' noyo nambantu' no.”

JISAYA 43:15

Aku noyo Tuhan, i Aki Kapuuno' mino, i Aki Kapuuno' ondo' matulai. Aku noyo namangun ramuyun, akau Israil, Aku noyo raja' min.”

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 66:14

Paat ra akau makakito ra kasaukan raginio, maansukan kau. Maligag kau koson ra sakot malabung. Bagu no makapandai kau ra Aku, Tuhan mangindangan ra ulun ondo' gumagaya' Raki', am pakitonon Ku sangit Kuno ra pantula' Kuno.”

JISAYA 28:29

Ngaangai' kapintaran raginio intor ra Tuhan Ondo' Maayo' Kaga' Kuasa'. Ngaangai' inatang ri Aki Kapuuno' mapintar am masalok makaampos.

JISAYA 41:4

Osoi kia nambaal ra baal koson raginio? Osoi kia nangaru' ra sejarah? Aku, Tuhan ondo' nakapagulu, am Aku soroi saboi ra pamupusan.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.