JISAYA 41:16 - Tanou Moonsoi Timugon

¹⁶ Ngaangai' no atapin min, am ngaangai' no masiob ru angin, am pantabuliason ru bagiu'. Akau pana maansukan sabap ra Aku i Aki Kapuuno' min; omporon min Aku, i Aki Kapuuno' ru Israil, i Aki Kapuuno' ondo' matulai.

JISAYA 41:16 ပူးပေါင်းရင်းမြစ်များ

MAZMUR 1:4

Kaa' ulun malaat no kalo koson raginio; ilo koson ra apol ondo' nasiob ru angin.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 17:13

Bansa'-bansa' jumalai koson ra kinulun maayo, kaa' i Aki Kapuuno' nongompong risilo, am nagiru' ilo mininggalur. Inanjung ilo koson ra apol giu' ra pipilon ru bulur ondo' masiob ru angin, am koson ra kaau ondo' masiob ru bagiu'.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JISAYA 28:5

Masuku' niayuk bulintok paat ra Tuhan Ondo' Maayo Kaga' Kuasa' masauk koson ra sampungu bunga' ondo' maantak ra ilo ondo' naayag.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 29:5

Okou Jirusalim, ngaangai' ulun suai ondo' malaat kaga' no mapuso koson ra kaau masiob ru angin. Saujor nilono ondo' mangilalaa' no sasiob-siob koson ra apol. Sangkuliop ayuk am kolondo' nakapampaguang,

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 40:24

Ilo no koson ra tatanom mamulok, ondo' bakat nano kakatuu' ayuk. Paat ra Tuhan mapasampui ra angin, mapua' ilo am masiob koson ra rami.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 60:19

Mato ru orou kalo boo suminda rirun bulintok matawang, bulan kalo boo suminda rirun bulintok molondom, Aku, Tuhan, suminda rirun ra mantilayun; tampulawon Tokou ra katulayan Kuno.

JISAYA 65:18

Pakaansuk noyo am kaantak noyo ra sabuoi-buoi no sabap ra inangun Kuno. Jirusalim bagu ondo' inangun Kuno mototop ra kaansukan am namagun nano maantak guang.

JIRIMIA 15:7

Giu' ra moonong bandar ra pagun ti, akau patirin Ku koson ra rami. Kabalu' pana akau ulun Kuno, akau am anak-anak mino pusoon Ku, sabap ra marara' kau mangulau ra baal ru kaayagan min.

JIRIMIA 51:2

Mangator Aku ra ulun bansa' ra bokon koson mamuso ra Babilonia koson ra angin ondo' mampasiab ra rami. Paat ra orou kapusaan no sumuku', mamulunsar ilo intor ra ngaangai' intok, am mapasauk ra pagun no naliung-liung.

JIRIMIA 51:20

Indagu Tuhan, “Okou Babilonia, koson kou ra amar Kuno am kinandoi pangayou Kuno. Mamakai Aku rirun koson mamuso ra bansa'-bansa',

JIRIMIA 51:33

Kalo boo mabuoi pantula' mangala risilo am manginginjang risilo koson ra ulun manginginjang ra gandum giu' ra intok mangagik ra gandum. Aku, Tuhan Ondo' Maayo Kaga' Kuasa', i Aki Kapuuno' ru Israil, nakaindagu noyo.”

DANIL 2:35

Pulali' ru sinungkalalaing no naaba' am nasauk ra tuntur ru basi', tana' lia', tambaga', pirok am mas ondo' naumok koson ra kaau giu' ra intok mangagik ra gandum bulintok ra malasu'. Angin pana nanampui riso ra kalo nanatang ra atan pana babaya'. Kaa' batu no nasauk ra rondo' gunung ondo' namapak ra titikop ru tana' ti.

GOSIA 11:9

Kalo mangukum Aku ramuyun paat ra Aku sumangit; Kalo boo mamuso Aku ra Israil, sabap Aku ti i Aki Kapuuno' am sala' ka ulun. Aku, Ondo' Matulai Kaga' mabaya' ramuyun, kalo boo sumangit Aku ramuyun.”

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

MIKA 5:8

Kalaan ru Israil pantula' nilo am mamuso risilo ngaangai'.

ABAKUK 3:18

masalok aku maansayan am maansukan, sabap ra Okou Tuhan i Aki Kapuuno' mamayag raki'.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.