JISAYA 41:11 - Tanou Moonsoi Timugon

¹¹ Ulun ondo' sumangit ramuyun maala am tauyuon. Ulun ondo' manggal ramuyun matoi io am mapuso intor ra tana' ti.

JISAYA 41:11 ပူးပေါင်းရင်းမြစ်များ

KAINGKUALAN 23:22

Kaa' amon ru gumagaya' kau riso am mambaal ra ngaangai' susuban Kuno, mangayou Aku gumula' ra ngaangai' pantula' mino.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

RINALATAN 16:39

Ginio ra ongoi ilo boo pakimaap ri Paulus am i Silas. Labusi' nilo boo karuruo ti intor ra pangaputan i, am kitaako' ra ilo mingkual intor ra bandar ti.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

KAINGKUALAN 11:8

Pupus no indagu i Musa, “Ngaangai' pagawai muno matong am samba ra saang kuno. Makitaak ilo maa' raginio magibit aku ra ngaangai' bansa' kuno mangiruan ra pagun ti. Mopongo raginio mugar aku.” Nabaya' ra siminangit toojo, iruani' ri Musa raja'.

JAKARIA 12:3

Paat ra tauli no, pasaukon Ku Jirusalim koson ra batu ondo' maagat. Ati-ati bansa' ondo' kuminam mangkayang riso mapilatan. Ngaangai' bansa' ra tana' ti magamung koson mamulunsar ra Jirusalim.

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JISAYA 41:29

Ngaangai' dewa no kolondo' onong, kolondo' atan-atan mabaal. Dewa-dewa no sinungkalalaing ayuk, lamuoi am kolondo' lulu'.”

JISAYA 29:8

Ngaangai' bansa' ra nantitimung koson mangayou ra Jirusalim masauk koson ra ulun naitilan ondo' inupi nano mangakan io, am tumirong io ra tinai' naitilan, kapoam koson ra ulun pinaason ondo' inupi nano nanginum io, am tumirong io ra bambalangan nano napuaan.

JISAYA 41:24

Akau am binaal mino kolondo' atan-atan arati'; ulun sumamba ramuyun mampajaka' ayuk.

JISAYA 40:17

Ngaangai' bansa' kolondo' arati' no Riso, koson ayuk ra kolondo' minatong ra saang Nano.

JISAYA 17:13

Bansa'-bansa' jumalai koson ra kinulun maayo, kaa' i Aki Kapuuno' nongompong risilo, am nagiru' ilo mininggalur. Inanjung ilo koson ra apol giu' ra pipilon ru bulur ondo' masiob ru angin, am koson ra kaau ondo' masiob ru bagiu'.

JISAYA 29:5

Okou Jirusalim, ngaangai' ulun suai ondo' malaat kaga' no mapuso koson ra kaau masiob ru angin. Saujor nilono ondo' mangilalaa' no sasiob-siob koson ra apol. Sangkuliop ayuk am kolondo' nakapampaguang,

JISAYA 29:7

Ngaangai' boo saujor ru ulun suai ondo' mangayou ra bandar sabiton ra Altar ri Aki Kapuuno', am niayuk nansalinut kuliamos pakayon ra mangayou mapuso koson ra inupi bulintok molondom.

JISAYA 34:12

Pagun raginio kolondo' raja' am tingganai-tingganai nano mapuso.

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JISAYA 54:15

Paat ra okou bulunsaron, sala' ka Aku nanusub, osoi ayuk mamulunsar rirun maratu' io.

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

KAINGKUALAN 12:29

Paat ra tanga' rondom raginio pinatoi ru Tuhan ngaangai' anak ungkuyon katuaan giu' ra Misir, inintaran ra anak ungkuyon ru raja' ondo' manungkus ra kurisi' pamarintaan polos ra anak ungkuyon katuaan ru ulun inaput ralalom pangaputan ragana' ru tana'. Ngaangai' anak ungkuyon katuaan ru bibiag pana pinatoi.

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JIRIMIA 12:17

Kaa' bansa' ondo' marara' gumagaya' Raki', bubulon Ku koson ra tatanom am pusoon Ku. Aku, Tuhan, nakaindagu noyo.”