JISAYA 41:10 - Tanou Moonsoi Timugon

¹⁰ Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:10 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 31:5

Kono ra karuo ngaulun andu' nano, “Makito ku intor ra bulos ru ama' min ra kalo boo masamba io raki', sala' ka koson ragili. Kaa' alungin aku ri Aki Kapuuno' ru ama' kuli.”

KASAUKAN 49:24

Kaa' panah ri Jusup mokotog, am kalindu' nano paikangon ri Aki Kapuuno' ri Jakub Ondo' Maayo Kaga' Kuasa', iono Magagalung am Mangampin ra ulun ru Israil.

2 SAMUIL 22:19

Paat ra aku makakapaganan, mamulunsar ilo raki', kaa' Tuhan manindung raki'.

1 TUNUNG RU BANSA' ISRAIL 12:18

Sangulun intor risilo, iono i Amasai, ondo' tauli no nasauk ra tingganai ru pulalai ondo' sabiton ra “Pulalai Talu Ngoopor”, kinuasa' ru Ambiluo ri Aki Kapuuno'. I Amisai pana mindagu, “Daut anak ri Isai, akai ti maamaya' muno! Gama' ru okou am ilo ondo' mangindangan rirun makasugut! I Aki Kapuuno' manaung rirun!” Inuma' ilo ri Daut am linantik ilo nasauk ra pagawai ru saujor nano.

2 TUNUNG RU BANSA' ISRAIL 20:17

Kalo pana mangayou kau ralalom ru pangayawan ti. Alapo' noyo intok min am paginaa no. Makakito kau ra Tuhan mangani' ramuyun ra kamanangan. Pai' no kalaa' kapoam pagantangan, akau mamagun ru Jiuda am Jirusalim! Uma' kano ra pantula'; Tuhan mabaya' ramuyun!”

2 TUNUNG RU BANSA' ISRAIL 32:8

Raja' ru Asyur mokoondo' ra kuasa' ru ulun, kaa' itakau mokoondo' ra Tuhan, i Aki Kapuuno' takau, ondo' mangindangan am mangayou ra bala takau.” Mamagun naunsu' ru ragu ru raja' nilo.

MAZMUR 144:11

Bayago' aku intor ra ilang ru ulun malaat kaga', am palabuso' aku intor ra kuasa' ru ulun suai, ondo' masalok magabau am mamparuung, am magibot ondo' kalo motopot.

MAZMUR 144:8

ondo' masalok magabau am mamparuung, am mampator ondo' kalo motopot.

MAZMUR 145:14

Ulun makakapaganan indanganon No; simoyoon No ulun ra malawo guang.

MAZMUR 147:12

Omporo' noyo Tuhan, okou Jirusalim! Omporo' noyo i Aki Kapuuno' Muno, okou Sion!

MAZMUR 18:36

Iou Tuhan, manindung am mamayag Kou raki'; pangindanganan Muno napasauk raki' ra antung am kuasa' Muno magalung ra kaayagan kuno.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 33:12

Pakaansuk noyo bansa' ondo' mangiou ra Tuhan noyo i Aki Kapuuno' no; pakaansuk noyo bansa' ondo' pinili' koson ra longgom Nano!

MAZMUR 37:17

sabap ra pandakon ru Tuhan kuasa' ru ulun malaat am manindung ra ulun moonsoi.

MAZMUR 37:24

Amon maratu' ulun no, kalo majamaran io, sabap ra Tuhan mangitang ra longon nano.

MAZMUR 41:12

Aku pana makapandai ra Okou mangiou raki', sabap ra pantula' kuno kalo makapangala raki'.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 63:8

sabap ra masalok Kou mangindangan raki'; maansukan aku marimbai ra saau ru kawo Muno.

MAZMUR 65:5

Pakaansuk noyo ilo ondo' pinili' Muno, ilo ondo' inibit Muno minayan ra Baloi Muno. Giu' ra Baloi Muno, basugon Mu akai ra ngaangai' ondo' moonsoi, barakat Muno ramon giu' ra ayanan Muno ondo' matulai.

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

KAINGKUALAN 20:20

Taam i Musa, “Pai' kalaa'; i Aki Kapuuno' matong koson mangkinam ayuk ramuyun, maa' raginio rumayus kau gumagaya' Riso am maa' raginio kalo makatula kau.”

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

JISAYA 37:6

gitio taam nati: “Tuhan minindagu rirun raja' ra kalo pana malaa' ra ulun ru Asyur ondo' mindagu ra Tuhan kalo makapamayag rirun raja'.

JISAYA 43:5

Pai' kalaa', sabap ra Aku mabaya' ramuyun. Intor ra sirangon am kalasaan ibiton Ku anak am akupu mino muli'.

JISAYA 44:2

Aku noyo Tuhan ondo' namangun ramuyun, ondo' nambaal ramuyun intor poyo ra akau tininai', am Aku mangindangan ramuyun. Pai' noyo kalaa'; akau ulipon Kuno, ulun pinili' Kuno ondo' tagamin Kuno.

JISAYA 49:8

Tuhan mindagu ra ulun Nano, “Bulintok ra Aku mangiou, tumaam Aku; orou ra Aku mamayag, indanganon Takamin. Sindungin am alungin Takamin, am saukon Ku nabantuan ra bansa'-bansa'. Tapulion Ku pagun ra masiluk masauk ra tana' tungkuson ondo' ayanin.

JISAYA 50:9

Sotopot no, Tuhan Ondo' Masawat Kaga' manungka' raki', osoi makakau' mindagu ra aku makasala? Ngaangai' ulun ondo' manguu' raki' no mapuso koson ra konoon narilak kinokot ru kilau.

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 60:19

Mato ru orou kalo boo suminda rirun bulintok matawang, bulan kalo boo suminda rirun bulintok molondom, Aku, Tuhan, suminda rirun ra mantilayun; tampulawon Tokou ra katulayan Kuno.

SULABOI 3:57

Iowon Mu pakiasian kuno, am mindagu raki', ‘Pai' kalaa'.’

DANIL 10:12

Kono poyo, “Okou Danil, pai' kalaa'. Norongog noyo ri Aki Kapuuno' pakiasian muno intor ra orou kasaa' muno namatas koson minggana' inan koson mokoowot ra pangaratian. Minatong aku koson ra taam ru pakiasian muno.

DANIL 6:16

Ulun naguguum no pana siminaguli' boo am indagu ra raja', “Nakapandai kou ra sumugut ra undang-undang ru Midia am Pirsia, susuban ondo' iningkual ru raja' kalo boo kulawon.”

GOSIA 1:9

Indagu boo Tuhan ri Gosia, “Inggalani' io ri ‘Sala' ka Ulun Kuno’, sabap ra ulun ru Israil sala' ka ulun Kuno, am Aku sala' ka i Aki Kapuuno' nilo.”

AGAI 1:13

Kopongo raginio nampasaboi i Agai ra ragu ru Tuhan risilo ra binantu' noyo ru Tuhan mabaya' risilo.

AGAI 2:5

Paat ra akau miningkual intor ra Misir, binantu' Ku noyo koson masalok mabaya' ramuyun. Raino pana lakat poyo mabaya' Aku ramuyun. Ginio ra kalo pana malaa' kau.

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:30

Indagu poyo malaikat riso, “Maria, pai' kalaa', sabap ra maansayan i Aki Kapuuno' no rirun.

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

TINGGANAI RU BANSA' 6:16

Indagu Tuhan riso, “Mangindangan Aku rirun, sabap raginio maaru' makasugut kou. Kalaan mu ulun ru Midian ra ilain koson nantaluma' kou ra sangulun ayuk.”