JISAYA 40:8 - Tanou Moonsoi Timugon

⁸ Sakot masauk kumolop am bunga' pana lumonot, kaa' ragu ri Aki kapuuno' takau mantilayun ra sabuoi-buoi no.”

JISAYA 40:8 ပူးပေါင်းရင်းမြစ်များ

MAZMUR 111:8

Panusuban Nano kalo makulau; pataakon No parinta Nano ra sotopot-topot am matimpok.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

JIRIMIA 44:29

Aku, Tuhan mampainono' ra Aku mangukum ramuyun ra pagun ti, am ra bantu' Kuno koson mamuso ramuyun suguton.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

MATIUS 24:35

Limbowon am tana' ti mapuso, kaa' ragu Kutu mantilayun.”

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

MARKUS 13:31

Limbowon am tana' ti mapuso, kaa' ragu Kutu mantilayun.”

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 12:34

Taam ru ulun masuang Riso, “Sumugut ra Ukum ri Musa, Mamamayag ondo' sinusub ri Aki Kapuuno' i maayag ra mantilayun. Ati kulaan mindagu Kou ra Anak ru Ulun musiti' painsawaton intor ra tana' ti? Osoi Anak ru Ulun no?”

1 PITRUS 1:25

kaa' bala' ru Tuhan kalo makulau am mantilayun.” Bala' ragitio noyo Tanou Moonsoi ondo' pinasaboi mai ramuyun.