JISAYA 40:30 - Tanou Moonsoi Timugon

³⁰ Ulun mamulok pana masauk ra maagui am boboon; lalaing pana maratu' sabap ra maagui.

JISAYA 40:30 ပူးပေါင်းရင်းမြစ်များ

AMOS 2:14

Ulun masimbul ondo' maribok pana kalo makapagiru'; ulun maikang mairuan ra ikang, am ulun tutumula' kalo makabayag ra inan galama'.

MAZMUR 34:10

Uramato' noyo Tuhan, akau ngaangai' ulun Nano, sabap ra ulun ondo' giminagaya' Riso kalo maayawan.

MAZMUR 33:16

Namanang raja' sala' ka intor ra saujor nano masuang, namanang saujor sala' ka intor ru ikang.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JISAYA 13:18

Ulun mamulok potoyon nilo ra panah am tanggayan nano. Kalo makaasi' ilo ra lalagang kapoam lalaing.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

MAZMUR 39:5

“Iou Tuhan, balai' aku ra orou patayan kuno maa' raginio mapandayan ku mapara' riwa' ru bayag kuno.”

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

1 SAMUIL 30:10

Nabaya' i Daut am apat ngaatus ngaulun ulun nano naparayus ra pangkiralanan. Ruo ngaatus ngaulun ra bokon no naagui kaga' koson sumandaup ra sungoi, am uog ilo boo ra giu' no.