JISAYA 40:3 - Tanou Moonsoi Timugon

³ Morongog bolos ru ulun mampiau, “Pongoono' noyo ralan ru Tuhan giu' ra tana' kaagisan! Baniso' noyo ralan giu' ra agis limayak tayar ri Aki Kapuuno' takau!

JISAYA 40:3 ပူးပေါင်းရင်းမြစ်များ

MAZMUR 68:4

Kaa' ulun ri Aki Kapuuno' marikamo am maansukan ra saang Nano; magigindii ilo ra maansukan.

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 40:4

Taubi' noyo moonong limayak; rataa' noyo moonong gunung. Bulur-bulur masauk ra dataran, am tana' ra takukutur no rataan.

JISAYA 43:19

Guango' noyo baal makabagu ondo' baalon Ku mataki'. Ilai' noyo, pinatalimpuun Ku noyo. Mambaal Aku ra ralan giu' ra tana' kaagisan, am manaak ramuyun ra sungoi-sungoi boborok giu' ra agis limayak.

JISAYA 49:11

Mambaal Aku ra ralan maya' ra kagunungan, ngaangai' ralan rataan Ku.

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

JUANIS 1:23

Taam i Juanis, “Aku noyo ondo' kon ru Nabi Jisaya, ‘Makaulun mampipiau giu' ra tana' kaagisan: Baniso' noyo ralan ru Tuhan!’ ”