JISAYA 40:22 - Tanou Moonsoi Timugon

²² Io no nanguasa' ra titikop ru tana' ti; namagun ru tana' makito boborok koson ra gapu'. Bilaron No limbowon koson ra konoon, am pabingkalon no koson ra kim ayanin.

JISAYA 40:22 ပူးပေါင်းရင်းမြစ်များ

MAZMUR 104:2

am liniputan Kou ru sinda. Biningkal Mu limbowon koson ra kim,

JISAYA 42:5

Tuhan i Aki Kapuuno' namangun am napabingkal ra limbowon; binangun No tana' am niayuk nansalinut naayag ra rasawat nano; Manaak io ra painawo ra ulun. Ragino i Aki Kapuuno' mindagu ra ulipon Nano,

AMSAL 8:27

Bulintok ra Io namingkal ra limbowon, nakatainono' aku, am bulintok ra limbowon pinaatang No ralimbou ru raat,

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

JIRIMIA 10:12

Tuhan namangun ra tana' ti ra kuasa' Nano; am ra kuasa' Nano namingkal ra tana' ti am namilar ra limbowon.

JISAYA 40:17

Ngaangai' bansa' kolondo' arati' no Riso, koson ayuk ra kolondo' minatong ra saang Nano.

MAZMUR 68:33

Rimbayi' min noyo i Aki Kapuuno', akau ngaangai' karajaan ru tana' ti, parimbai kano ra rimbai mongompor ra Tuhan,

AYUP 22:14

Indoson mu ra pagilayan Nano sinilian ru gaun, paat Io mugar giu' ra balitan ru limbowon am tana' ti.

AYUP 9:8

Kolondo' osoi pana ondo' nangindangan ri Aki Kapuuno' namingkal ra limbowon, kapoam nanginjang ra bakulung ru tambuakal ru raat.

JISAYA 51:13

Makalilian kau kia ra Tuhan Namangun ramuyun ondo' namingkal ra limbowon am napabanta' lonor ru tana'? Kua monsongorou kau malaa' ra gabu' ru ulun mangimbolo' ramuyun ondo' nakatampos mamuso? Sotopot no, gabu' nilono kalo makasaboi ramuyun.

JISAYA 44:24

“Aku noyo Tuhan Mamamayag ramuyun; Aku noyo namangun ramuyun. Aku noyo Tuhan Namangun ra ngaangai' no. Aku galama' namingkal ra limbowon; Aku namangun ra tana' ti ra kolondo' nangindangan.

JISAYA 40:15

Pampaguangan ru Tuhan, bansa'-bansa' koson ra somposok timug ralalom ru pansagawan, koson sangunor kaau ra timbangan; pulu'-pulu' nogondo' maan no ra kaau.

MAZMUR 2:4

Intor ra nanturungan Nano giu' ra suruga' Tuhan no nakakurit am nagasab ra inatang nilono.

UNTABAN 13:33

am nakakito akai ra maayo ulun, papag ri Inak ra giu'. Malimanan mai ra boborok koson ra gapu' am maaru' ginio noyo pangkaraan nilo ramon.”

JAKARIA 12:1

Gitio noyo tanou intor ra Tuhan intor ra Israil. Tuhan ondo' namingkal ra limbowon, nambaal ra tana' ti, am nangani' ra kaayagan ra ulun mindagu,

MAZMUR 29:10

Mamarinta Tuhan ra raat ondo' malandom; mamarinta Io koson ra raja' ra sabuoi-buoi no.

AYUP 36:29

Kolondo' osoi pana nakapandai ra kinaugar ru gaun, kapoam tingkalur monggolon giu' ra limbowon intok inayanan ri Aki Kapuuno'.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

AYUP 37:18

Maindangan mu kia i Aki Kapuuno' mamingkal ra limbowon, am mampasauk riso ra mokotog koson ra acuan ru basi'?

KASAUKAN 1:6

Indagu boo i Aki Kapuuno', “Kasauk noyo pambakuran koson mapasuai ra timug ra ruo intok.” Baal raginio pana nasauk. Ginio noyo i Aki Kapuuno' napasauk ra pambakuran koson napatayar ra timug ondo' mokoondo' ra ragana' ru pambakuran intor ra timug ondo' mokoondo' ra rasawat no.

MAZMUR 18:11

Maribok siab Nano am kinuraan No Kirub; mansiab Io ra rasawat ru kawo ru angin.

MAZMUR 19:4

Kolondo' ragu am sulabiton; bolos pana kalo maining;

JISAYA 37:16

“Iou Tuhan Ondo' Maayo Kaga' Kuasa', i Aki Kapuuno' ru Israil, Okou ondo' manturung ra rasawat ru kirub, Okou noyo rondo'-rondo' ayuk i Aki Kapuuno' ondo' namarinta ra ngaangai' pamarintaan ra tana' ti. Okou namangun ra limbowon am tana'.

AYUP 26:7

Biningkal ri Aki Kapuuno' limbowon ru ralayo, am nampatair ra tana' ti ra intok ra maluag.

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”