JISAYA 40:2 - Tanou Moonsoi Timugon

² “Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JISAYA 40:2 ပူးပေါင်းရင်းမြစ်များ

JAKARIA 9:12

Uli' kano, akau ulun pinatiran, raino makakalansanan kau; uli' kano ra intok sindungan min. Balain Takamin raino, ra barakaton Takamin induo ruli' no ra ngaangai' kaimbalaan ondo' nauma' min.

JISAYA 61:7

Kalo boo tauyuon am asabin kau. Mayan kau ra pagun min galama', kinalangkayaan mino masauk induo ruang; bansuk mino mantilayun ra sabuoi-buoi no.

GOSIA 2:14

Pasagulion Ku umo ru anggur ondo' linonggom no ragili am Limayak Kapaganan pasaukon ra rondo' kulobon kalansanan. Giu' no manguma' io Raki' koson ra paat io mamulok, paat ra io bagu miningkual intor ra Misir.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JISAYA 44:22

Pinuso Ku ngaangai' tula mini koson ra gaun inibit ru angin. Saguli' kano Raki', sabap ra Aku noyo namayag ramuyun.”

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

RINALATAN 1:7

Taam i Jisus, “Ama' Kuno galama' mangaru' ra orou am paat nano. Ginio kalo pana makapandai kau, sabap ra baal raginio i Ama' ra kuasa'.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JISAYA 33:24

Kolondo' sangulun pana mayan ra pagun takati mindagu ra jajajou sabap ru maruol, am ngaangai' tula inampun noyo.

MAZMUR 32:1

Mazmur ri Daut. Sisindiron. Pakaansuk noyo ulun ondo' tula nilono inampun noyo, ondo' kasalaan nilono inampun noyo.

JAKARIA 1:15

Kaa' siminangit Aku kaga' ra bansa'-bansa' ondo' makaliman ra moonsoi am mamimio. Paat ra Aku nongorot ra sangit Kuno ra ulun Kuno, bansa'-bansa' no namparuang ra kaimbalaan ru ulun Kuno.

DANIL 12:9

Taam io, “Okou Danil, musiti' kou mongoi raino, sabap ra ragu-ragu raginio musiti' kalo pabalaan saboi ra orou pupus.

DANIL 12:4

Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

DANIL 9:12

Sinugut Mu noyo ondo' rinagu Muno ramon am panguasa'-panguasa' mai. Nangukum Kou ra Jirusalim moporos poyo intor ra bandar-bandar ra bokon ra tana' ti.

DANIL 9:2

Paat ra bilor kasaa' ra pamarintaan nano, nambasa' aku ra buuk kitab. Nampaguang aku toojo ra baal ru bandar Jirusalim ondo' nasauk ra tuntur nalunsai buoi tulu' ngoopor ngambilor, koson ondo' rinagu ru Tuhan ri Nabi Jirimia.

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

2 TUNUNG RU BANSA' ISRAIL 30:22

Nongompor Raja' Gijkia ra ulun ru Liwi ra katasikan nilo maningganai ra sambayang ra Tuhan. Kopongo tulu' ngoorou ilo nakasia' ra akanon ru pangiantakan am niayuk nampataak ra taak simbalui koson maringkuanang ra Tuhan, i Aki Kapuuno' nilo,

KASAUKAN 34:3

Kaa' kabunduk boo guang ri Sikgim no ri Dina saboi malaai io kaga', am mirot io mangambi' ra guang ru ralaa no.

JISAYA 6:7

Baa no pinajalak no ra bibil kuno liliwa' mindagu, “Baa ti nakajalak noyo ra bibil muno. Ginio ra, kasalaan muno linulu' noyo, tula muno pana inampun noyo.”

JISAYA 14:3

Langgain ru Tuhan karualan am kaimbalaan ru ulun ru Israil. Palabuson No ilo intor ra kandoi maagat ondo' pinajajal risilo.

JISAYA 53:5

Kaa' pinilatan io sabap ra tula-tula takau, am sinindualan sabap ra kalaatan takau. Inukuman io maa' raginio itakau bayagon, sabap ra ulitomo' nano nababas takau.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

JISAYA 54:15

Paat ra okou bulunsaron, sala' ka Aku nanusub, osoi ayuk mamulunsar rirun maratu' io.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JISAYA 66:13

Bansukon Takamin giu' ra Jirusalim, koson ra ina' mapabansuk ra anak nano.

JIRIMIA 51:10

Indagu Tuhan, “Giminolok ulun Kuno, ‘Nampakito Tuhan ra itakau motopot. Ibok balai' takau mamagun ru Jirusalim ra atan ondo' binaal ru Tuhan, i Aki Kapuuno' takau.’ ”

SULABOI 4:22

Inukum noyo Sion sabap ra tula nano; raino Tuhan kalo boo mompoloso ramon mayan giu' ra intok pamatiran. Kaa' okou, Idom, ukumin ru Tuhan; tula-tula muno patalangon.

YEHEZKIEL 16:42

Aku pana mokororo' am sangit Kuno sumalui. Kalo boo sumangit kapoam maingot Aku.

JAKARIA 1:13

Taam Tuhan ra malaikat no ra ragu ondo' mapabansuk ra guang,

MAZMUR 85:3

Inampun Mu tula ru ulun Muno; am ngaangai' sala nilono inampun Mu.

MAMPATANOU 3:4

Io nangaru' ra paat koson mantangi' am paat ra makakurit, paat ra mangulir am paat ra lumigo',

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

GOSIA 2:16

Kalo boo iowon Ku io manabit ra inggalan ru Baal.

JIPANYA 3:15

Linanggaan noyo ru Tuhan mangukum ramuyun; Pinagiru' No ngaangai' pantula' min. Tuhan, raja' ru Israil, mabaya' ramuyun, kolondo' boo ondo' mampakalalaa' ramuyun.