JISAYA 40:12 - Tanou Moonsoi Timugon

¹² Osoi kia makapanuku' ra timug ru raat ondo' suukon ru palar nano, kapoam manuku' ra limbowon mamakai ra dangou? Osoi kia makapanuku' ra tana' mamakai ra sangkir, kapoam manimbang ra bagat ru gunung am bulur mamakai ra timbangan?

JISAYA 40:12 ပူးပေါင်းရင်းမြစ်များ

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

JISAYA 48:13

Kalindu' Kuno mapabanta' ra sonor ru tana', am mamingkal ra limbowon. Bulintok ra Aku manusub ra limbowon am tana' muma', karuruo no mataki' matong.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

AYUP 28:25

Paat ra Io mangani' ra angin ru kaikangan, am langka' ru raat inaru' Nano;

JIRIMIA 31:37

Amon ru rondo' paat ra limbowon maalap ra tuku', am lonor ru tana' ti maalap kaimumuyi', paat raginio noyo Israil impayin No sabap ra ngaangai' binaal nilo. Nakaindagu noyo Tuhan.

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.