JISAYA 40:10 - Tanou Moonsoi Timugon

¹⁰ Tuhan Raja' matong koson mamarinta am makakuasa', Ibiton No ulun ondo' binayag Nano.

JISAYA 40:10 ပူးပေါင်းရင်းမြစ်များ

PINAINTALANG 22:12

Indagu poyo i Jisus, “Rongogo' min gitio, kalo boo mabuoi am matong Aku am balasin Ku moonong ulun maya' ra atan ondo' binaal nali.

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

JISAYA 49:4

Kaa' mindagu aku, “Bagui kuno kolondo' ampos; kinai' ku ikang kuno ra namuta' ayuk!” Kaa' mangintopot aku ra saungon aku ru Tuhan; balasin aku ri Aki Kapuuno' sumugut ra binaal kuno.

JISAYA 59:15

Kolondo' boo ulun mabanis guang, saboi osoi minggalur ra kalaatan, io galama' masauk ra mausung ru kalaatan.” Tuhan nakakito ra ngaangai' no, am kalo moonsoi gigilong Nano sabap kolondo' boo katimpakan.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

JUANIS 12:15

“Pai' kalaa' mamagun ru bandar Sion! Ilai', mokoondo' raja' min matong nangura' ra sanginan kaladai mamulok!”

MAZMUR 110:6

Ukumin No bansa'-bansa', saboi pangayawan raginio masuang mamagatoi; kalaan No raja'-raja' ra titikop ru tana' ti.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

JUANIS 12:13

Alapo' nilo raun palma am ongoi uma' Riso, golok ilo, “Omporo' noyo i Aki Kapuuno'! Kabarakat noyo Io ondo' matong ralalom ra inggalan ru Tuhan! Kabarakat noyo raja' ru Israil!”

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

JISAYA 28:2

Ilai' noyo, Tuhan nangator sangulun ondo' maikang am makakuasa', nakatampos mongoi pangayou risilo; sangulun matong koson ra bagiu' mabaya' ra rasam batu, koson ra rasam maawas, am koson ra liur ondo' siminakob ra tana'. Io mapaampas risilo ra tana'.

JISAYA 33:2

Iou Tuhan, pakaasi' no ramon. Lumansan akai Rirun. Ampini' akai no moonong orou, am bayago' akai no bulintok ra akai makakapaganan.

JISAYA 51:5

Pamayagan ondo' pataakon Kuno mamaar noyo, bulintok ra Aku mamanang mamaar noyo rumatong. Aku galama' mamarinta ra bansa'-bansa'. Pagun-pagun ondo' maalur magiginaa Raki' am malansan ra baalon Kuno ondo' makaimuag.

JISAYA 59:16

Mangimuag Io sabap ra kolondo' ulun rumatong am kolondo' ulun manungka'. Ginio ra mamakai Io ra kuasa' Nano galama' koson mamayag am mapamanang risilo.

JISAYA 59:18

Ukumin Nano pantula' Nano sumugut ra binaal nilo, makaaya' niayuk ulun ondo' minayan ra pagun-pagun maalur.

JISAYA 63:5

Mangimuag Aku sabap kolondo' sangulun pana paat Aku maguyum ra ulun mangindangan Raki'. Kaa' sangit Kuno ra mapaangan mapasauk ra Aku maikang, am Aku namanang ra kaikangan Kuno galama'.

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

JIRIMIA 31:16

Langgai' tangi' muno am piiri' lomou muno. Bagui muli koson ra anak-anak muli balasin ra moonsoi; muli' anak-anak muli intor ra pagun ru pantula'.