JISAYA 40:1 - Tanou Moonsoi Timugon

¹ “Bansuko' noyo ulun Kuno, bansuko' ilo no!” ragu ri Aki Kapuuno' mino.

JISAYA 40:1 ပူးပေါင်းရင်းမြစ်များ

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

MAZMUR 85:3

Inampun Mu tula ru ulun Muno; am ngaangai' sala nilono inampun Mu.

MAZMUR 85:8

Paintalango' noyo katagaman Muno ramon, indangano' noyo am bayago' akai no, iou Tuhan.

MAMPATANOU 3:4

Io nangaru' ra paat koson mantangi' am paat ra makakurit, paat ra mangulir am paat ra lumigo',

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JISAYA 41:27

Aku Tuhan, Aku noyo nakapagulu napatanou ra babaal raginio ra Sion; Aku nangator ra ulun sinusub giu' ra Jirusalim koson mapasaboi ra tanou moonsoi, ‘Ilai' noyo bansa' mino rumatong! Ilai' noyo ilo minuli'!’

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JISAYA 60:1

Tirong no, am kasauk no ra sinda, okou Jirusalim, sabap ra sinda pamayagan muno minatong noyo; I Aki Kapuuno' nanaak rirun ra sinda intor ra katulayan Nano.

JISAYA 61:2

Sinusub No aku koson mapatanou ra mamaar noyo bulintok ru Tuhan mamayag; koson mangansuk ra ngaangai' ondo' mangiluk guang, am mambalos ra pantula'-pantula' nilono;

YEHEZKIEL 16:42

Aku pana mokororo' am sangit Kuno sumalui. Kalo boo sumangit kapoam maingot Aku.

JAKARIA 1:13

Taam Tuhan ra malaikat no ra ragu ondo' mapabansuk ra guang,

JAKARIA 1:17

Nanusub malaikat no raki' nampatanou ra tanou ti niayuk, “Tuhan Ondo' Maayo Kaga' Kuasa' minindagu ra bandar-bandar Nano langkaya' saguli' am igondo' poyo mangindangan Io ra Jirusalim am mangiou riso koson ra longgom Nano galama'.”

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

2 KORINTUS 1:4

Mangindangan Io ramon ralalom ru ngaangai' kapaganan mai, maa' raginio ralalom ru kaindangan ondo' maapu mai intor ri Aki Kapuuno', akai pana makapangindangan ra ngaangai' ulun ondo' makakapaganan.

1 TISALONIKA 4:18

Ginio ra kaikango' noyo guang mino ra rondo' am bokon ra ragu ragitio.