JISAYA 4:5 - Tanou Moonsoi Timugon

⁵ Giu' boo ra rasawat ru Bulur Sion am ngaangai' ulun ondo' timinimung ra giu', Tuhan mampatuun ra gaun bulintok matawang am lisun am niayuk apui ondo' masimbula' bulintok molondom. Katulayan ri Aki Kapuuno' manindung am mangampin ra libung ru bandar no.

JISAYA 4:5 ပူးပေါင်းရင်းမြစ်များ

NIGIMIA 9:12

Naningganai Kou risilo ra lugu' ru gaun paat ra matawang, Sinilau Mu ralan nilo ra lugu' ru apui paat ra molondom.

MAZMUR 105:39

Biningkal ri Aki Kapuuno' gaun koson manindung ra ulun Nano, am nangani' ra apui koson maninda bulintok molondom.

MAZMUR 111:1

Omporo' noyo Tuhan! Nakai' guang kuno maringkuanang ra Tuhan ralalom pantitimungan ru ulun Nano.

MAZMUR 78:14

Bulintok matawang tingganayon No ilo ra gaun, am bulintok molondom tingganayon No ilo ra simbula' ru apui.

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

MAZMUR 89:7

Kolondo' mokogondo' Rirun, giu' ra limbowon no, iou Tuhan; kolondo' suang ru suruga' pana mokogondo' Rirun.

KAINGKUALAN 14:24

Paat ra tumawang orou, intor ra lugu' ru apui am lugu' ru gaun, nagilong Tuhan ra saujor ru Misir, am mampajajou risilo.

KAINGKUALAN 24:16

Sinda karatangan ru Tuhan timinuun ra rasawat ru gunung no. Nakito ginio ru ulun ru Israil koson ra apui manimbula' ra tampak ru gunung no. Natauban ru gaun gunung no buoi kaanaman. Paat ra orou ra katulu', intor ra gaun no pampiau Tuhan ri Musa.

KAINGKUALAN 26:1

“Baalo' noyo ra tampilon ralalom ru Kim ru Tuhan am mopor ngaputul konoon linon molomos ondo' binaal intor ra banang bulu makabatik motomou, matanggilung am malia'. Baali' konoon no ra gambar kirub.

KAINGKUALAN 26:7

“Pambaal noyo ra mopor am rondo' ngaputul konoon intor ra bulu ru kambing koson saukon ra taap ru Kim ru Tuhan.

JISAYA 32:18

Ulun ri Aki Kapuuno' kalo pana boo maimamang, am baloi nilono kalinuos ayuk am makakaansayan,

JISAYA 33:20

Pulolowo' noyo bandar ru Sion intok ra itakau mangiantak ra orou pangiantakan ru ugama. Pulolowo' noyo Jirusalim! Intok raginio masauk ra ayanan ondo' makapamayag koson ra kim ondo' kalo poyo igondo' pabandingo', ondo' lugu' nano kalo poyo igondo' bubulo' am rurukug nano kalo poyo igondo' kaukat.

JISAYA 37:35

Bandar ru Jirusalim sungkaan am ampinin Kuno sabap ra urumat Kuno galama', am niayuk nabantuan Kuno ri Daut, ulipon Kuno.’ ”

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 60:1

Tirong no, am kasauk no ra sinda, okou Jirusalim, sabap ra sinda pamayagan muno minatong noyo; I Aki Kapuuno' nanaak rirun ra sinda intor ra katulayan Nano.

JISAYA 60:2

Tana' ti natikop ra kalandaman, bansa'-bansa' tinauban ra kalandaman; kaa' sinda ru Tuhan sumila' ra rasawat muno, sinda rinatangan Muno masauk motopot ra rasawat muno.

MATIUS 18:20

Amon ru ruo kapoam talu ngaulun tumimung ralalom inggalan Kuno, soroi Aku ra tatanga' nilono.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”