JISAYA 4:3 - Tanou Moonsoi Timugon

³ Moonong ulun natatang ra Jirusalim, ioginio ulun ondo' pinili' ri Aki Kapuuno' maa' raginio maayag ilo, am piawon ra matulai.

JISAYA 4:3 ပူးပေါင်းရင်းမြစ်များ

MAZMUR 69:28

Patuliso' noyo ngaangai' tula nilono; pai' ilo ampuno'.

MAZMUR 87:6

Pasubolon ru Tuhan ngaangai' ru bansa', ralalom pamatikan ra mamagun ru Jirusalim.

JISAYA 1:27

Sabap ra Tuhan no matimpok, bayagon No Jirusalim am moonong ulun ra giu' no tumalikur intor ra tula.

JISAYA 28:5

Masuku' niayuk bulintok paat ra Tuhan Ondo' Maayo Kaga' Kuasa' masauk koson ra sampungu bunga' ondo' maantak ra ilo ondo' naayag.

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

YEHEZKIEL 13:9

Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.

YEHEZKIEL 43:12

Gitio noyo ukum kasaa' intor ra Baloi ru Tuhan: Titikop intok giu' ra libung nano giu' ra tampak ru gunung no matulai kaga'.”

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.

JAKARIA 14:2

Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.

MALIAKI 3:16

Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

RINALATAN 13:48

Pakaining ayuk ulun sala' ka Jaudi ragu raginio, naansukan ilo toojo saboi mongongompor ilo ra bala' intor ra Tuhan i. Ulun ondo' inaru' noyo ri Aki Kapuuno' koson mokoowot ra kaayagan motopot am mantilayun, nangintopot ilo ri Jisus niayuk.

ROMA 11:4

Atan taaman Nano riso? Kon ri Aki Kapuuno', “Soroi Raki' tulu' ngaribu ngaulun ondo' kalo igondo' siminamba ra tuhan sinungkalalaing Baal.”

ROMA 11:5

Koson niayuk ra raino ti, mokoondo' kukula' ngaulun pinili' ri Aki Kapuuno' maya' ra kataawan Nano.

IPISUS 1:4

Io kalo poyo nabingkal tana' ti, pinili' takano kalalair ri Aki Kapuuno' ralalom ri Jisus Kristus. Maa' raginio mapasau takau ra pagilangan Nano am kolondo' boo makapanguu' ritakau.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.