JISAYA 39:6 - Tanou Moonsoi Timugon

⁶ masaboi niayuk bulintok no nansalinut kinalangkayaan ra istana mutu raja', nansalinut inumung ru kinamatuaan muno saboi orou raiti', ibiton ra Babilonia. Kolondo' rondo' pana matatang.

JISAYA 39:6 ပူးပေါင်းရင်းမြစ်များ

2 RAJA'-RAJA' 24:13

Kuliamos giu' ra Baloi ru Tuhan am istana inibit ru Raja' Nibukadnijar ra Babil. Koson ra ondo' rinagu noyo ru Tuhan, inumok ru Raja' Nibukadnijar ngaangai' kuliamos mas ondo' binaal ru Raja' Salomo ondo' pinakai giu' ra Baloi ru Tuhan.

JIRIMIA 20:5

Polosoon Ku pantula' nilo manalingaau am magaut ra ngaangai' kalangkayaan ru bandar ti am niayuk ngaangai' rapu' longgom nano poongoyon ra Babilonia, am poyo rapu' tungkuson ru raja'-raja' ru Jiuda.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

2 TUNUNG RU BANSA' ISRAIL 36:18

Kuliamos-kuliamos ra Baloi ru Tuhan am kuliamos-kuliamos mologo ondo' soroi ra giu' no, rapu' ru raja' am pagawai-pagawai nano, ginaau ru raja' Babilonia, am inibit ra Babil.

2 TUNUNG RU BANSA' ISRAIL 36:10

Paat ra mambusak bilor raginio, Raja' Nibukadnijar namparakop ra Raja' Joyakin am nagibit riso ra Babilonia. Raja' Nibukadnijar niayuk nagibit ra rapu' intor ra Baloi ru Tuhan. Kopongo raginio Raja' Nibukadnijar nampili' ri Jidikia, kamaman ru Raja' Joyakin, nasauk ra raja' ru Jiuda am Jirusalim.

YEHEZKIEL 23:26

Rilakon nilo bayang muno am gaawon limpor muno.

DANIL 1:3

Nanusub raja' Nibukadnijar ri Aspinas, tingganai ru pagawai istana nano, koson mampili' ra kukula' ngaulun ungkuyon mamulok intor ra gino ngai' ru ulun ru Israil ondo' ralalom ru pamatiran. Ungkuyon mangamulok no musiti' intor ra papag ru raja' kapoam bangsawan.