JISAYA 39:1 - Tanou Moonsoi Timugon

¹ Bulintok ragili, raja' ru Babilonia, ioginio Raja' Mirodak Baladan anak ri Baladan nokorongog ra Raja' Gijkia marualan am makaluat noyo. Ginio ra raja' ru Babilonia napaibit ra surat am rondo' tangguang no ra Raja' Gijkia.

JISAYA 39:1 ပူးပေါင်းရင်းမြစ်များ

JISAYA 23:13

Sala' ka ulun ru Asyur, kaa' ulun ru Babilonia ondo' nopoloso ra tambiag masigo salilitau giu' ra Tirus. Ulun ru Babilonia ondo' namangun ra manara-manara koson mampalibung ra pantula'; ilo noyo namuut ra kubu-kubu giu' ra Tirus, am niayuk napasauk ra bandar no napuut.)

JISAYA 14:4

Bulintok ra Tuhan no mambaal koson raginio, asabin nilo raja' Babilonia koson ragitio, “Raja' ra malaat kaga' naratu' noyo! Kalo boo makapangimbolo' io ra osoi-osoi ayuk pana!

JISAYA 13:19

Kula' suang ru pamarintaan, Babilonia niayuk maantak am masauk ra kaansukan ru ulun nano. Kaa' Aku, Tuhan, mamuso ra bandar Babil koson ra Aku namuso ra Sodom am Gomora!

JISAYA 13:1

Gitio noyo tanou ri Aki Kapuuno' koson ra Babil ondo' inapu ri Jisaya anak ri Amos.

2 TUNUNG RU BANSA' ISRAIL 32:31

Paat ra ulun-ulun sinusub intor ra Babilonia minatong ra Raja' Gijkia koson mangkuot intor ra kasaukan makaimuag ondo' nasauk giu' ra pagun no, nompoloso Tuhan ra Raja' Gijkia galama' mingkuor, maa' raginio makinaman guang nano.

2 TUNUNG RU BANSA' ISRAIL 32:23

Masuang ulun minatong ra Jirusalim am nagibit ra taak ra Tuhan am tangguang ra Raja' Gijkia. Intor raginio bansa'-bansa' ra bokon mangurumat ra Raja' Gijkia.

2 SAMUIL 10:2

Kon ru Raja' Daut, “Raja' Nagas no rangan kuno ondo' gumagaya'. Ginio ra aku pana musiti' rumangan ra Raja' Ganun anak ungkuyon nano.” Pangator boo Raja' Daut ra kukula' ngaulun ulun sinusub koson mampasaboi ra ragu mangiluk ra Raja' Ganun. Paat ra ulun-ulun sinusub no nakasaboi giu' ra Amon,

2 SAMUIL 8:10

Ginio ra nanusub Raja' Tou ra anak ungkuyon nano i Joram koson mapasaboi ra ragu nano ra Raja' Daut am minindagu ra kaansayan ra kamanangan nano ra Raja' Gadadijir, sabap ra Raja' Tou masalok noyo mangayou ra Raja' Gadadijir. Minatong i Joram ra Raja' Daut am nagibit ra masuang tangguang intor ra mas, pirok am gangsa'.

2 TUNUNG RU BANSA' ISRAIL 32:25

Kaa' Raja' Gijkia kalo naringkuanang ra napalian ondo' tinaakan ru Tuhan riso sabap malimbau io kaga'. Ginio sabap ra Tuhan nangukum ra mamagun ru Jiuda am Jirusalim.