JISAYA 38:16 - Tanou Moonsoi Timugon

¹⁶ Iou Tuhan, makakau' aku maayag ra koson Rirun, am Okou ayuk. Babaso' aku no am polosoo' aku no maayag.

JISAYA 38:16 ပူးပေါင်းရင်းမြစ်များ

1 KORINTUS 11:32

Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

MATIUS 4:4

Kaa' taam i Jisus, “Mokoondo' tinulisan ra Buuk Kitab, ‘Ulun kalo maayag intor ra ruti' ayuk, kaa' mangkirongog ra moonong ragu ri Aki Kapuuno'!’ ”

MAZMUR 119:25

Nakaraluui aku ra kaau; patapulio' noyo bayag kuno sumugut ra bantu' Muno.

JISAYA 64:5

Apuon Mu ulun mabanis guang, ondo' maayag sumugut ra kasagaan Muno. Sumangit Kou ramon, kaa' akai lakat makatula. Ioupana Okou sumangit kaga', rayusin mai mambaal ra sala intor poyo ra galing i.

MAZMUR 71:20

Kapaganan kapoam imbolo' porotongon Mu raki', kaa' pasagulion Mu ikang kuno; painggaluron Mu aku intor ra lobong.

SAGULION 8:3

Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.

MAZMUR 39:13

Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

MAZMUR 119:71

Moonsoi noyo ra Okou mangukum raki', maa' raginio makarati' aku ra panusuban Muno.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 30:3

Mampiau aku Rirun ra makiindangan, iou Tuhan, i Aki Kapuuno' kuno, am Okou namabas raki'.